Wahyu 11:2 - Taaz Weru Witu u Nunuwu'en Tombulu

² Taan u lésaz witi ondol um Walé ni Opo Empung én tia'mo pahuukurennu. Pahpaan, niitu é mémoiwéhé wia sé tahsasana wanua walina sé zéi'kan mata'u si Opo Empung. U Yerusalem um wanua tua'na lenas é maipeléé-léék néra, epatna pulu' wo zuana loloho'en ung kauréna.

Wahyu 11:2 Iomraidhean Croise

Matius 27:53

I si Yesus méitoumé sumaup ni Opo Empung, sé tou linenas ni Opo Empung nimatémo itii é nimondolé im witu u lelewengan a muntepa witi Yerusalem. Im wana lakez sé tou nimilek ni séra.

Matius 4:5

A Sia ipahwalima ni tonaas né sétang witi Yerusalem um wanua tua'na lenas. Im witu ni Sia é méipekirendaila ni tonaas né sétang witu um wawona um Walé ni Opo Empung.

Matius 5:13

Kuan ni Yesus kasii, “Ni kamu én tanu un asin im wia ung kaayahan. Sa un asin itii tewango, apapé' u mangun un asin itii maasin sumaup? Un asin itii én zéi'mo siapa torona, niitu én itia'mokan wo ipeléé-léék né tou.

Lukas 21:24

Wéwéhan sé wunu'en karia um pisou wo sé walina é mationan an itia' wana am péléng tahsasana wanua walina. Wo um wanua tua'na Yerusalem é makawasaan né tahsasana wanua sé zéi'kan mata'u si Opo Empung makaz witu un oras tinotozo ni Opo Empung tumoro ni séra.”

Ibrani 10:29

Tantumo lumouspé'mé ung kawutezna un ukuman wia si tou mahséro' wia si Oki' ni Opo Empung wo mahgenangla un zaha' ni Yesus Kristus u lumenas sé tou én zéi'kan siapa torona wo mahséro' wia si Roh si mahtambéré ang kamang.

Wahyu 11:11

Lumangkoia un telu wo sana pahzuana endo, si Opo Empung é niméhéma un asengan wia sé tou zua itii a séra rumendaié wo péléng sé tou nimileka sé tou zua itii én totoz maindé'.

Wahyu 11:3

Ni Aku é matu sé zua tou sé nimilek wo timalinga a méikua-Ku, i makumua a méi'kua-Ku itii, karia ing kimarai ung karai zemdem, ung kauréna é sana riwu zuana atus wo enemna pulu' endo.”

Wahyu 12:6

A si wéwéné itii tumingkasa witi kapelasan, un tampa niimeko ni Opo Empung in éyéanna. Im witu ni sia éng kelungan, ung kauréna é sana riwu wo zuana atus wo enemna pulu' endo.

Wahyu 21:10

A ni aku kawasanla ni Roh ni Opo Empung, an iwalima ni malaekat itii witi wawona ung kentur tua'na wo rakék. Im witu an ipapaileknamé wia ni aku um wanua tua'na lenas, u Yerusalem, um wia si Opo Empung witi kasendukan an itumpamé.

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.

Wahyu 22:19

Wo sa wéwéhan si tou mina'la apa uman wana a nuwu' ni Opo Empung a méipantik witu ung kitap kenu, si tou itii én éndoan ni Opo Empung um wéténgna im wana am wua'na ung kai u mahwéhémé ung katou-touan wo um wéténgna im witu um wanua tua'na lenas, tanu u méipantik witu ung kitap kenu.”