Wahyu 11:19 - Taaz Weru Witu u Nunuwu'en Tombulu

¹⁹ A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 11:19 Iomraidhean Croise

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 12:1

An ilekena un tanda wangko' witi langit. Wéwéhan si wéwéné kimarai si endo, un a'éna é liméék witu um wawo ni loloho'en. Witu un ulu ni wéwéné itii ém wéwéhan um poporongen ing kolano u mapulu' wo zua tototi'en am wangunen.

Wahyu 16:1

An talingangkumé u nuwu' rimez witi untep um Walé ni Opo Empung kimuamé wia sé pitu malaekat itii, “Mangémo wo maiwuwu'mé witi kaayahan an upi' ni Opo Empung a méitahu' wana am pitu eelepan itii.”

Wahyu 16:18

Mitpité u sena'na un tila'pong wo menderé un erut, a méhzo'mé totoz repet un zéi'kampé' kawisa nimahmua-mualila rengané sé tou i menou-nou wia ung kaayahan.

Wahyu 16:21

Un uzan éis é mahtumpamé im witi langit mahtoromé sé tou. Ung kawutez un éis esa ém woo limana pulu' kilo. A sé tou mahséro' wia si Opo Empung pahpaan un uzan éis an totoz meléwo' itii.

Wahyu 19:11

An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 4:1

Kumawusa niitu, ilekengkuma um pepenet witi kasendukan nimawukama. An talingangkumé u nuwu' totoz rimez masuat wo un zanina um pontuang un im puuna én tinalingakumo. U nuwu' itii éng kimuamé wia ni aku, “Menékomé wia'i! Ni ko ém papailekang-Ku a léwo'zéi' mamuali in tumondongé kenu.”

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 7:15

Niitumo, ni séra é rimendai makasaru u rurumezan ni Opo Empung ing Kolano wo mahpaayang wia ni Sia endo wo wengi witi Walé-Na. Ni Sia si rimumez witu u rurumezan-Na ing Kolano én tuméiz ni séra.

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.

Wahyu 8:7

A si malaekat kataré sumengoma um pontuangna, an tumumpamé un uzan éis wo un api sinembor un zaha'. Péléng niitu é méilombo'mé wia ung kaayahan. A mala'unga u sana pahtelu ung kaayahan, u sana pahtelu ang kai wo kasii péléng an zukut mata'pé'.