Wahyu 11:15 - Taaz Weru Witu u Nunuwu'en Tombulu

¹⁵ A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 11:15 Iomraidhean Croise

Matius 24:31

Ni Sia é matu sé malaekat-Na i mondola karia i simengoma um pontuang ung karimez un zanina zéi'mo kakuaan. Ni séra é ruméwok péléng sé tou pinéléng-Na im wana péléng saruan, sé witi penpen u langit kasaru makaz witi penpen u langit kasaru.”

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Lukas 1:33

Ni Sia é maéndo Kolano né tou Israel, suzu ni Yakub. Ung Kakolanoan-Na é memia-mia makaz ing kauré-uré.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:6

Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’

Kisah Rasul-rasul 4:26

Sé kolano wia ung kaayahan én timégamo wo sé mahkawasa é nimaréwoko, i sumaru si Opo Empung wo si Kristus si méitaaz-Na.’

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Wahyu 10:7

Taan si malaekat kapitu i sumengoma um pontuangna, in toro niitumokan an tinotoz tumoro an ipahwuni-wuni ni Opo Empung é malekep, tanu a méipahwoka'-Namo wia sé ata-Na, ni séramo sé nabi.”

Wahyu 12:10

An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Wahyu 15:4

Séi si zéi'kan maindé' wia ni Ko, o Opo Empung, wo zéi'kan mahsigi' wo mahlooz u ngaran-Mu? Pahpaan ni Ko uman si lenas; pahpaan péléng sé tahsasana wanua é mémongkot i sumigi' ni Ko, Pahpaan méikatuzu'momé ung kaulitan i ni Ko mahtotoz ulit kaapa zéi'kan péléng am pahwangunen né tou.”

Wahyu 16:17

Si malaekat kapitu mamuwu'mé witi wentangan a méitahu' witu un eelepan um wia ni sia. An talingané im witu u rurumezan ni Kolano um witi untep um Walé ni Opo Empung, kimuamé, “Nimakazola.”

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:1

Kumawusa niitu, an talingangkumé u nuwu' totoz rimez tanu u nuwu' né tou totoz lakez witi kasendukan, mahkuamé, “Haleluya! Si Opo Empungta uman si milot sé tou im witu un ukuman wana a singkéla', si pahsigi'en wo pahloozen, wo si mahkawasa.

Wahyu 19:6

An talingangku kasiimé un tanu u nuwu' né sana réwok tou lakez i mahnuwu', tanumokan un enderna un tapahan wo tanumokan un zanina un erut totoz rimez, mahkuamé, “Haleluya! Pahpaan si Mahpiara, si Opo Empungta, Si Totoz Mahkawasa é mahkawasamo ing Kolano.

Wahyu 20:4

An ilekengkuma a rurumezan né kolano wo sé tou rimumez witu ém winéhanna ung kawasa in tumotoz ulit kaapa zéi'kan am pinahlé'osé né tou. Ilekengku kasiima sé roh né tou sé im puuna éng kinetoran an ulu pahpaan i mahkua a niilek wo an tinalinga néra tumoro si Yesus wo kasii pahpaan i mahkua u Nuwu' ni Opo Empung, sé zéi'kan mahongkot wo mahsigi' wia si binatang wo wia si patong ni binatang itii wo sé zéi'kan tinandaan an tungtung wo a lengen néra. Ni séra é méitou sumaup ni Opo Empung, a merénta ing kolano karia ni Kristus sana riwuna ta'un ung kauréna.

Wahyu 8:12

Si malaekat kaepat sumengoma um pontuangna, an toroana u sana pahtelu ni endo, u sana pahtelu ni loloho'en, wo u sana pahtelu né tototi'en taka-takazan u sana pahtelu un endo én zéi'mo tahlous ayah, téntu kangkasii u sana pahtelu um wengi én totoz nimarimbengbenga.

Wahyu 9:1

A si malaekat kalima sumengoma um pontuangna, ilekengkuma si tototi'en nimaragosé witi langit timoromé ung kaayahan. Wia si tototi'en itii ém winéhan ung kusi' um woso um patéan.

Wahyu 9:13

A si malaekat kaenem sumengoma um pontuangna. Talingangkumé u nuwu' nimondolé wana a sungé, am witu un epat zuhuna um pahtunuan a raragés u mas am wangunen, um witu u sinaru ni Opo Empung.