Wahyu 10:3 - Taaz Weru Witu u Nunuwu'en Tombulu

³ A sia kumérété, u nuwu'na én tanumokan si singa mahséngker. I ni sia nimakanuwu'moma, an talingané un erut pitu nimuwu'mé.

Wahyu 10:3 Iomraidhean Croise

Wahyu 14:2

An talingangkumé u nuwu' totoz rimez witi langit, tanumokan enderna un tapahan wo un erut. U nuwu' tinalingakumé itii én tanumokan an zanina ang kecapi am pahléongan né tou.

Wahyu 15:1

An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 15:7

A si esa im wia sé epat tumou-tou itii méhéma wia sé pitu malaekat itii am pitu eelepan a mas am wangunen a mawuta-wuta un upi' ni Opo Empung, si menou-nou makaz ing kauré-uré.

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.