Wahyu 10:11 - Taaz Weru Witu u Nunuwu'en Tombulu

¹¹ Ang kuana wia ni aku, “Totoz i maikuamu kasiila a méikuamé ni Opo Empung tumoro a mawangunen-Na wia sé tahsasana wanua, sé tahsasana réwok mahtuari, sé tahsasana nunuwu'en wo wia sé kolano.”

Wahyu 10:11 Iomraidhean Croise

Wahyu 10:10

Éndongkumé ung kitap itii im witu u lengen ni malaekat itii, an itu kanengkuma. Niitu im witu u sumahkutuu én tombal tanu u rarina'. Taan i nino'notkumoma, niitu én zéi'kan tariis im witu um pootku pahpaan nimapa'itoma.

Wahyu 11:1

Tumondong niitu, an aku wéhanla u sana repu' kai tanu un teken ipahukur wo pineréntamé in téntii, “Mangémo wo ukurela um Walé ni Opo Empung wo um pahtunuan a raragés wo rékénennula sé tou mahragés wia si Opo Empung witu.

Wahyu 11:9

Sé tou wia péléng sé tahsasana wanua, sé tahsasana suzu, sé tahsasana nunuwu'en wo sé tahsasana réwok mahtuari é mengile-ngilek sé zua nimatémo itii, ung kauréna én telu wo sana pahzuana endo. Zéi'kan iwéhé né tou itii sé zua nimatémo itii i maileweng.

Wahyu 14:6

An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.

Wahyu 17:10

Am pitu ulu itii kasii é sé pitu kolano. Sé lima im wia sé kolano itii é nimatémo. Si esa ém wiapé' wo si esa kasii én zéi'kampé' niméyé. Sa si esa itii méyé, ni sia é merénta taan zéi'kan mauréma.

Wahyu 17:12

A mapulu' sungé niilekmuma itii, ni séramo sé mapulu' kolano sé zéi'kampé' mahperénta. Taan ni séra é makailek ung kawasa i merénta ing kolano karia ni binatang makaindé'en itii, ung kauréna é sana jam.

Wahyu 17:15

Ang kuano kasii ni malaekat itii wia ni aku, “Péléng an zano niilekmumo, u rinumezan ni wéwéné sangaya itii, niitu ém péléng sé tahsasana wanua, péléng sé tahsasana suzu, péléng sé tahsasana réwok mahtuari, wo péléng sé tahsasana nunuwu'en.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.