Wahyu 10:1 - Taaz Weru Witu u Nunuwu'en Tombulu

¹ An ilekengkuma si malaekat ketezen walina timumpamé im witi kasendukan, sinaput u ninahak, wo witu um wawo un uluna ém wéwéhan un zuni', ung giona é mahsena' tanu si endo, wo un a'éna én tanumokan un tombol melaya-layas.

Wahyu 10:1 Iomraidhean Croise

Matius 17:2

A si Yesus mawalinama im witu u saru-sarun néra telu, ung gio-Na é mahsena' tanu si endo wo ung kinarai-Na é nimakulo'ma meto-petot tanu u sena'.

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Kisah Rasul-rasul 26:13

O kolano Agripa, karegas mahlampang i lolambot, kumompo'mé ni aku é nimileka u sena' totoz merahra, u lumouspé'mé u merahrana ni endo, um witi langit an tumumpamé. U sena' itii é simena'mé witu u makaliklikku wo né tou sé mahwali-wali kariaku.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 18:1

Kumawusa niitu, an ilekengkuma si esa malaekat walina timumpamé im witi kasendukan. Ni sia ém wéwéhan ung kawasa wangko' wo u sena' nimondolé im wia ni sia é nimangun ung kaayahan nimaaya-ayahma.

Wahyu 18:21

An ilekengkuma si malaekat ketezen niménété um watu katua'na um watu pegigilingan wana am pahgilingan ang gandum, an iweritnama witi tasik, ang kuana, “Téntumo um Babel, um wanua tua'na pahkua-kua itii, i méirime-rimeza méiwerit witi wawa', wo um wanua tua'na itii én zéi'mo pahile-ilekela.

Wahyu 20:1

An ilekengkuma si malaekat esa timumpamé im witi kasendukan timion ung kusi' um woso um patéan wo u ranté tua'na.

Wahyu 4:3

Si Tou rimumez witu u rurumezan itii é mahsena' tanumokan a sena'na am watu pahkuan yaspis wo sardis. Wo wéwéhan kasii un zuni' meto-petot tanumokan petotna um watu pahkuan zamrud, limiklik u rurumezan itii.

Wahyu 5:2

An ilekengku kasiima si malaekat ketezen. Ni sia é meligau karia i mahkérét, “Séi si wangun i muka am pitu segel wo muka ung kitap ginulung itii?”

Wahyu 8:13

An ilekengkuma ém wéwéhan si kiokiok menéwé-néwél rakék witi langit, talingangkumé sia i mahkérété, “Ikaléwo', ikaléwo', ikaléwo'mo sé tou wia ung kaayahan! Pahpaan telupé' sé malaekat sumengo am pontuang néra.”