Wahyu 1:2 - Taaz Weru Witu u Nunuwu'en Tombulu

² Si Yohanes é mahkua péléng a niilek wo an tinalingana tumoro a Nuwu' ni Opo Empung wo péléng a mémoipapailek ni Yesus Kristus, a niileknamo.

Wahyu 1:2 Iomraidhean Croise

Yohanes 1:32

Tumondong niitu si Yohanes Menanarani mahkua tumoro a niilek wo an tinalingana, kuana, “Ni aku é nimileko si Roh ni Opo Empung timumpamé im witi langit tanu si bombo menéwé-néwél nimento' witu um wawo-Na.

Yohanes 12:17

A sé tou lakez sé memali-mali karia ni Yesus mahkua tumoro a niilek néra i ni Sia timawahmé si Lazarus nimondolé im witu u lelewengan wo timou sumaup ni sia im wia sé nimaté.

Yohanes 19:35

Si tou nimilek in esa u nimamuali itii, ni sia in esa si mahkua tumoro an niilekna itii wo un ipahkuana én ulit. Wo kata'uana un ipahkuana én ulit, wo ni kamu kangkasii é ma'éman.

Yohanes 21:24

Ni siamo si pahtuzu'en si mahkuama an niilek wo an tinalingana tumoro niia péléng wo si nimantiko, wo kata'uanta sa am pahkuana tumoro a niilek wo an tinalingana én ulit.

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Kisah Rasul-rasul 22:15

Pahpaan ni ko é léwo'zéi' i makumua wia péléng sé tou a niilek wo an tinalingamu tumoro ni Sia.

Kisah Rasul-rasul 26:16

Taan in tarékan, tumoozé wo rumendaiomé. Ni Aku é nimapailek un tou-Ku wia ni ko, in tumotoz ni ko maéndo tou si mahpaayang wia ni Aku wo si tou si mahkua tumoro péléng an niilekmu wo an tinalingamu wia ni Aku wo tumoro an ipapailek-Ku wia ni ko in tumondong.

Kisah Rasul-rasul 4:20

Pahpaan zéi'kan mamuali a niilek wo an tinalinga naimo, zéi'kan ikua nai wia sé tou.”

1 Korintus 1:6

Niitu un tumuzu'mé a méipahwoka'ku wia ni kamu tumoro si Kristus én totozo kata'uan niou.

1 Korintus 2:1

Katuari-katuari. I ni aku nimangémé wia ni kamu a mahwoka' un zéi'kampé' kata'uan niou tumoro si Opo Empung, ni aku én zéi'kan mahnuwu' wia ni kamu karia a nuwu' tariis pahtalingan kaapa karia ung katulapan né tou.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.

3 Yohanes 1:12

Péléng sé tou é nimilek wo mahkua am wangun tumoro si Demetrius, um pahwangunenna é mahkiit ung kaulitan. Ni kai kangkasii é nimilek am wangun tumoro ni sia wo kata'uannu an ipahkua nai én ulit.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:19

Niitumo, ipantikmula péléng a niilekmu, a nimamuali in tarékan wo a mamuali i mahmurimé.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.

Wahyu 12:17

Niitumo si naga itii én totoz maupi' wia si wéwéné itii, a si naga itii mangé i zuméha sé suzu walina ni wéwéné itii, sé mahkiit um perénta ni Opo Empung wo kasii mahkua un tinalinga wo niilek néra tumoro si Yesus.

Wahyu 20:4

An ilekengkuma a rurumezan né kolano wo sé tou rimumez witu ém winéhanna ung kawasa in tumotoz ulit kaapa zéi'kan am pinahlé'osé né tou. Ilekengku kasiima sé roh né tou sé im puuna éng kinetoran an ulu pahpaan i mahkua a niilek wo an tinalinga néra tumoro si Yesus wo kasii pahpaan i mahkua u Nuwu' ni Opo Empung, sé zéi'kan mahongkot wo mahsigi' wia si binatang wo wia si patong ni binatang itii wo sé zéi'kan tinandaan an tungtung wo a lengen néra. Ni séra é méitou sumaup ni Opo Empung, a merénta ing kolano karia ni Kristus sana riwuna ta'un ung kauréna.

Wahyu 22:21

Ung kamang tatambér ni Yesus Mahpiara é menaté-natér ni kamu péléng! Amin.

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.