Wahyu 1:18 - Taaz Weru Witu u Nunuwu'en Tombulu

¹⁸ wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 1:18 Iomraidhean Croise

Matius 11:23

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka. Pahpaan sa a makakompo'en winangun-Ku witi wanua niou ém winangun-Ku witi Sodom, tantumo um wanua tua'na itii ém wiapé' makaz in tarékan.

Matius 16:19

Ni ko ém wéhang-Ku ung kawasa i mahimek sé tou-Ku tanumokan in timion ung kusi' witi Kakolanoan ni Opo Empung. A sinéro'mu im wia ung kaayahan ni- itu kangkasii é sinéro' im witi kasendukan, wo ang kinuamu in ulit im wia ung kaayahan niitu kangkasii én ulit im witi kasendukan.”

Lukas 24:5

Ni séra én totoz kinaindé'an ang kumuruzla wo ung gio néra é nimakaz witu un tana'. Taan sé tou zua itii éng kimua wia ni séra, “Kaa kamu menéro ni Sia si menou-nou im wia sé nimaté?

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Roma 6:9

Pahpaan kata'uantamo i si Kristus méitoumomé sumaup ni Opo Empung im wia sé nimaté, ni Sia én zéi'mo maté sumaup wo um patéan én zéi'mo kimawasa wia ni Sia.

2 Korintus 13:4

Si Kristus én zéi'kan enté' i sinalip. Taan in tarékan ni Sia menou-nou pahpaan ung kawasa ni Opo Empung. Téntu kangkasii ni kai zéi'kan enté' tanu si Kristus im puuna, taan ni kamu é milek ni kai i menou-nou karia-Na pahpaan ung kawasa ni Opo Empung witu ung kawangunan niou.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Kolose 3:3

Pahpaan ung katou-touan niou im puuna u mahkiit uman u lelo léwo' wia ung kaayahan é mémoitula'u nioula, ni kamu én tanu nimatémo. In tarékan ung katou-touan niou én zéi'kan katulapan né tou pahpaan ni kamu é nimaesamo karia ni Kristus, si nimaesa karia ni Opo Empung, witi kasendukan.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 7:16

Ni Sia é nimaéndo Walian Wangko' zéi'kan mengiit an tinotoz tumoro sé suzu né tou taan mengiit ung kawasa menou-nou un zéi'kan lamaléwo'.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Wahyu 10:6

a sia mahtiwa' witu u ngaran-Na si menou-nou makaz ing kauré-uré, si nimangun u langit wo péléng am witu, ung katanaan wo péléng am witu, wo un tasik wo péléng am witu, kuana, “Un oras si Opo Empung i mangun ang ginenang-Na én zéi'mo isoro'!

Wahyu 15:7

A si esa im wia sé epat tumou-tou itii méhéma wia sé pitu malaekat itii am pitu eelepan a mas am wangunen a mawuta-wuta un upi' ni Opo Empung, si menou-nou makaz ing kauré-uré.

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 20:13

Un tasik nimayoma sé tou nimaté witu, um patéan wo um pahwéha-wéhan né tou nimaté é nimayoma sé tou nimaté witu, wo si esa wo si esa én totozen mengiit am pinahlé'os néramé.

Wahyu 20:14

Kumawusa niitu, um patéan wo um pahwéha-wéhan né tou nimatémo é méiwerita witu un tasik api melaya-layas. Un tasik api itiimo um patéan kazua.

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.

Wahyu 4:9

Sekez sé epat tumou-tou itii i mahkua a lolooz wo a sisigi'an wo u makasé wia ni Sia si rimumez witu u rurumezan ni Kolano wo si menou-nou akaz ing kauré-uré,

Wahyu 5:14

A sé epat tumou-tou itii kumuama, “Amin!” A sé pahtutu'an itii rengan ing kimuruza karia i nimongkot wo mahsigi'.

Wahyu 6:8

An ilekengkuma si kawalo kilo. Si kawalo itii é sinakéan ni tou makangaran Patéan, wo um pahwéha-wéhan né nimatémo é mahkiité witu murina. Wia ni séra ém winéhan ung kawasa i munu' sé sana pahepat né tou wia ung kaayahan karia um pisou, karia ung kaahreman, a saki melaput wo seza'en né meneza' tou.

Wahyu 9:1

A si malaekat kalima sumengoma um pontuangna, ilekengkuma si tototi'en nimaragosé witi langit timoromé ung kaayahan. Wia si tototi'en itii ém winéhan ung kusi' um woso um patéan.