Wahyu 1:11 - Taaz Weru Witu u Nunuwu'en Tombulu

¹¹ Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:11 Iomraidhean Croise

Kisah Rasul-rasul 16:14

Si esaané im wia sé wéwéné itii é makangaran Lidia. Ni sia ém witi wanua tua'na Tiatira a méyé, memamangkér a roko' tina' wo meraragés wia si Opo Empung. Si Mahpiara é nimangun ni sia nimatulap makaz ni sia én totoz mahwéhé genang wana an ipahkua ni Paulus.

Kisah Rasul-rasul 18:24

Karegas niitu, wéwéhan si tou Yahudi makangaran Apolos niméyé witi Efesus. Ni sia én tou Aleksandria. Ni sia é siga' i mahnuwu' wo totoz mata'u um Pinantik Lenas.

Kisah Rasul-rasul 20:17

Pahpaano niitu, im witi Miletus si Paulus nimatuma tou i matumawah sé penatua né jamaat witi Efesus i méyé witi Miletus.

1 Korintus 15:32

Sa ikiit uman ung genang né tou, apa un torona ni aku i ma'ulit tanumokan i mahsaru sé meneza' tou wia um wanua Efesus kenu, sa sé tou nimatémo én zéi'kan itoumé sumaup? Tawimo kita mangun tanu um pahkuan né tou in téntii: “Mémo kita kuman wo mahpaa-paaz, pahpaan sando kita é matémo.”

1 Korintus 16:8

Taan ni aku i mento' witi Efesus é makaz witu un endo wangko' Pentakosta.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

1 Timutius 1:3

I ni aku mahangémo witi Makedonia, ni ko én totoz pinahaléikula i mento'mola witi Efesus, wo ko toro suméro' sé mahtuzu' an tutuzu' zéi'kan ulit wo séra kumana' i mahtuzu' an tutuzu' itii.

Wahyu 1:17

I ni aku nimileka ni Sia, a ni aku ikakepama witu rété un a'é-Na, tanumokan sé nimatémo, taan ni Sia é zimeta'mé u lengen-Na kakan wia ni aku, ang kumua, “Tia'mo maindé'! Ni Akumo Si Kataré-taré wo Si Kamurian,

Wahyu 1:19

Niitumo, ipantikmula péléng a niilekmu, a nimamuali in tarékan wo a mamuali i mahmurimé.

Wahyu 1:2

Si Yohanes é mahkua péléng a niilek wo an tinalingana tumoro a Nuwu' ni Opo Empung wo péléng a mémoipapailek ni Yesus Kristus, a niileknamo.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 10:4

I nimakanuwu'momé un erut pitu itii, ipahpapantikkumo a méikuamé un erut itii, taan talingangkumé um witi kasendukan éng kimuamé, “Tia'mo ipahpapantikmu itu! Totoz in iwunimula an ipahkuamé an erut pitu itii.”

Wahyu 14:13

An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.

Wahyu 2:12

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Pergamus in téntii: ‘Kenumo a Nuwu' am wia ni Sia a méyé, si makaanu um pisou tewel zua masaru.

Wahyu 2:18

Ang kuan kasii ni Oki' ni Tou, “Ipantikmu kasiila wo iwéhéma wia si malaekat si wia sé jamaat witi Tiatira in téntii: Kenumo a Nuwu' ni Oki' ni Opo Empung, si makaweren u mahsena' tanumokan u layasna un api wo un a'é-Na é meto-petot tanumokan petotna un tambaga méiluleng witu un api.

Wahyu 2:24

Taan wia ni kamu sé tou walina witi Tiatira, sé zéi'kan mahkiit an tutuzu' ni Izebel wo soo mahtata'u an tutuzu' ni tonaas né sétang, ni Aku éng kumuama: Wia ni kamu én zéi'mo awesang-Ku am pengalin walina.

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 22:10

Ang kuana kasii wia ni aku, “Tia'mo pahsesegelennu a nuwu' ni Opo Empung méipantik witu ung kitap kenu, pahpaan un oras niana péléng i mamuali é lelezokan.

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”

Wahyu 3:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.

Wahyu 3:4

Taan im wia ni kamu im wia u Sardis kenu ém wéwéhampé' sé woopira tou sé zéi'kan mahsingkéla'. Ni séra én tanu si tou kimarai ung karai weresi. Ni séra é malumampang mahwali karia-Ku kimarai ung karai kulo', pahpaan ni séra ém wangun i maténtu.

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.