Titus 3:8 - Taaz Weru Witu u Nunuwu'en Tombulu

⁸ Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

Titus 3:8 Iomraidhean Croise

Matius 20:4

Kuana wia ni séra, ‘Mamomendula kamu witi umaku un tinaneman an anggor, wo ni kamu ém waérangkumokan um wangun ing kailekan niou.’ Kaitalingamé niitu, a séra mangé i mamendu witi uma itii.

Yohanes 12:44

A si Yesus kuméréta, “Séi uman si ma'éman ni Aku, zéi'kan ni Aku si pa'émanenna taan ni sia é ma'éman si nimatumé ni Aku.

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Kisah Rasul-rasul 12:15

Taan sé akaz uman i nimingkoté, “Pahléla'eno katu' ko!” Taan si ata itii én zéi'kan mazéi' i mahkua i si Petrus én uli-ulit wiamo. Kuan néra kasii, “Ni sia ém woo si malaekatna uman.”

Roma 4:5

Taan wéwéhan si tou zéi'kan niméré' witu um pinaayangna, taan ni sia é ma'éman i si Opo Empung si niméndo ulit sé tou zéi'kan pandung ni Sia. Pahpaan um pa'émanenna itii ni sia niéndo-Na ulit.

2 Korintus 4:13

Taan pahpaan um pa'émanenta é masuat, tanu u méipantik witu um Pinantik Lenas in téntii, “Ni aku é ma'éman, pahpaano niitu ni aku é mahnuwu'”, niitumo, pahpaan ni kai kangkasii é ma'éman, ni kai é mahnuwu'ma.

Efesus 4:28

Si maremu', tia'mo sia meremu-remu'pé', taan tawimo sia ma'ulitla i mahpaayang wo mahpaayang uman am wangun wo sia toro sumawang sé tou zéi'kan wutul am pemandungen néra.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

Titus 1:9

uli-ulit mahkiit an tutuzu' kaulitan. Karia in téntu ni sia é makawawa i mahsésa karia an tutuzu' mengiité ang kaulitan wo makawawa i mangun sé tou sé mahsasaru uman an tutuzu' kaulitan, i ma'éman an tutuzu' itii.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Titus 2:7

wo wangunela ung katou-touannu i maéndo kékéréan wangun wia ni séra. I mahtuzu' wia sé tou, ni ko é léwo'zéi' in uli-ulit mahtuzu' wo tia' mahtowo,

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Filemon 1:11

Im puuna, si Onesimus si atamu én timingkasé im wia ni ko, ni sia én zéi'kan siapa torona im wia ni ko, taan in tarékan ni sia én totoz wéwéhano torona, zéi'kan uman wia ni ko taan kangkasii wia ni aku.

Ibrani 10:24

Méyémo kita mahwéha-wéhan genang wia si esa wo si esa, wo kita toro mahsawa-sawangan i rumaraaté sé kasuat tou wo mahwangun a lé'os.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.