Titus 3:5 - Taaz Weru Witu u Nunuwu'en Tombulu

⁵ in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

Titus 3:5 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Lukas 1:50

U raraatéan-Na wia péléng sé tou sé maindé' wo mahsigi' ni Sia é makaz im pinuyunan.

Lukas 1:54

Pahpaan u raraatéan-Na a Sia sumawangé sé tou Israel sé ata-Na.

Lukas 1:72

i mapailek u raraatéan-Na wia sé nimaopota wo gimenang un taaz-Na lenas.

Lukas 1:78

pahpaan u raraatéan wo u lé'os ni Opo Empungta. Niitumo, ni Sia é niméyé i milot ni kita im witu un ukuman wana a singkéla'ta masuat wo si endo i mondolé im woondo,

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 11:6

Ni séra ém pinéléng ni Opo Empung pahpaan ung kamang tatambér-Na, zéi'kan pahpaan am pahwangunen néra é lé'os. Pahpaan sa si Opo Empung niméléng sé tou mengiit um pahwangunen néra, ni Sia én zéi'kan uli-ulit mapailek ung kamang tatambér-Na.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 3:28

Totoz kata'uan nai sa sé tou é niéndo ulit pahpaan um pa'émanen, zéi'kan pahpaan i mahwangun un ukum Torat.

Roma 4:5

Taan wéwéhan si tou zéi'kan niméré' witu um pinaayangna, taan ni sia é ma'éman i si Opo Empung si niméndo ulit sé tou zéi'kan pandung ni Sia. Pahpaan um pa'émanenna itii ni sia niéndo-Na ulit.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

Roma 9:16

Niitumo, si Opo Empung i niméléng én zéi'kan pahpaan ung kapaaz kaapa am pahwangunen ni tou, taan pahpaan u raraatéan ni Opo Empung.

Roma 9:30

Sa téntu, ung kalakoan niana péléng én téntii: Sé zéi'kan tou Yahudi zéi'kan mahtututu' i mahtata'u ung kapaaz ni Opo Empung, taan pahpaan ni séra ma'éman ni Sia, ni séra niéndo-Namo ulit.

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Efesus 2:4

Taan si Opo Empung én totoz lé'os uman taka-takazan niitu é méipapailek-Na karia in totoz rumaraaté ni kita.

Efesus 4:23

wo un até wo ung genang niou ém werun ni Roh Lenas.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Titus 3:4

Taan i mémoikatuzu'mé u lé'os ni Opo Empung, si Milot ni kita im witu un ukuman wana a singkéla', wo u raraatéan-Na wia sé tou,

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 4:16

Niitumo, tia'mo kita maindé' i rumété wia si Opo Empung si rimumez witu u rurumezan-Na ing Kolano. Pahpaan i ni kita mangé witu u sinaru-Na, si Opo Empung é rumaraaté ni kita, zéi'kan mengiit un zéi'kan enté' wia ni kita, taan mengiit ung kalé'osan-Na. Si Opo Empung én tumambéré ang kamang wo menté' ni kita, wo kita tulungen-Na witu un oras ni kita i mekitulung.

Ibrani 6:6

taan maapuma niitu, ni séra soomo ma'éman, zéi'kan mamuali im werun sumaup in tumula'u a singkéla'. Ni séra én tanu simalip sumaup si Oki' ni Opo Empung wo mahséro' wia ni Sia witu u sinaru né tou lakez.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.