Titus 3:3 - Taaz Weru Witu u Nunuwu'en Tombulu

³ Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Titus 3:3 Iomraidhean Croise

Matius 21:29

Si oki' itii nimingkotla, ‘Ni aku é soo.’ Taan si oki' itii nimakagena-genangkala a sia mangé witi uma tinaneman an anggor itii.

Lukas 21:8

Am wingkotela ni Yesus, “Tuméga-tégam én taa kamu ilulu. Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’ wo ‘Un orasna é lelezo’. Ni kamu én tia' mahkii-kiit ni séra.

Yohanes 8:34

Kuan ni Yesus wia ni séra, “Uli-ulit ikua-Kuma wia ni kamu, péléng sé tou mahwangun a singkéla' én ata a singkéla'.

Roma 11:30

Tanu ni kamu in tou zéi'kan Yahudi im puuna én zéi'kan mahtali-talinga si Opo Empung taan pinapailekano u raraatéan-Na pahpaan sé tou Yahudi zéi'kan ma'éman wia ni Sia.

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

Roma 6:6

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Kolose 1:21

Im puuna, ung katou-touan niou é méikazou' im wia si Opo Empung. Winangun niou si Opo Empung nimaéndo kakoro' niou im witu un até wo witu ung genang, i ni kamu memangu-mangun a léwo'an.

Kolose 3:7

Im puuna ni kamu kangkasii é menou-nou mahwangun an téntu i ni kamu kinawasapé' am paaz wia ung kaayahan itii.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

2 Timutius 3:6

Pahpaan im wia ni séra ém wéwéhan sé mahwuni-wuni i mahangé wana am walé né tou walina wo mahenou sé wéwéné zéi'kan enté' sé lakez singkéla' wo kinawasa a lelo néra in esa.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Yakobus 1:26

Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

1 Petrus 1:14

Menou-noula i mahtali-talinga wia si Opo Empung tanu sé koki' i mahtali-talinga wia sé tu'ana. Tia' mahkiit uman u lelo léwo' un awak niou tanu im puuna in zéi'kampé' mata'u si Opo Empung.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:14

Si binatang kazua itii é mahlulu sé tou mahento' wia ung kaayahan karia a makakompo'en, a méiwéhémo wia ni sia im pahwangunen witu u sinaru ni binatang kataré. Méiatu ni binatang kazua itii sé tou mahento' wia ung kaayahan i mangun um patong ni binatang kataré, si pélaan im winira' taan menou-noupé', im pahsigi'en.

Wahyu 18:2

Ni sia é mahkérét totoz rimez, kuana, “Kemumo, um Babel itii éng kemumo. Um wanua tua'na itii é nimaéndomola pahwéha-wéhan né sétang, wo wuwunian péléng né roh léwo' wo wuwunian péléng né tumétéwél makati'tiren wo ikazi'zis né tou.