Titus 3:14 - Taaz Weru Witu u Nunuwu'en Tombulu

¹⁴ Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Titus 3:14 Iomraidhean Croise

Matius 21:19

An ileken-Nama ung kai ara witu ruruh u lalan, a Sia mangé witu ung kai itii i menéro wua'na. Taan ni Sia én zéi'kan méikaileké wua'na im witu akaz uman an zani'na. Ang kuan-Na witu ung kai itii, “Ni ko én zéi'mo mahwua-wua'la makaz ing kauré-uré!” In toro niitukan ung kai ara itii é rengan i nimaperama.

Matius 7:19

Péléng ang kai zéi'kan mahwua'mé wangun, niitu ém wanti'en wo ziketan.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 15:8

Sa am pahwua' nioué é lakez, si Ama'-Ku ém pahloozen wo pahsigi'en, wo karia in téntu ni kamu én uli-ulit maéndo pahtuzu'eng-Ku.”

Kisah Rasul-rasul 18:3

Si Paulus nimento' karia néra pahpaan um pahpaayangenna karia ni Akwila é masuat. Ni séra mahpaayang mahwali-wali i memamangun an ténda.

Kisah Rasul-rasul 20:35

Im wana am péléng ni kamu ém winéhangkumoma ung kékéréan, karia i mahpaayang tanu niitu ni kita én toro sumawang sé tou susa. Ni kita é léwo'zéi' ing gumenang u méikua ni Yesus Mahpiara in téntii, ‘Si tou mahwéhépé' si mahpaa-paaz taan si tou pahwéhan.’ ”

Roma 12:13

Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

Roma 15:28

Niitumo, sa ni aku simampetoma wo niméhémoma an zoit sasawang né tahsasana wanua walina itii wia ni séra, taré ni aku mangé witi Spanyol lumangkoié um wanua tua'na niou.

Efesus 4:28

Si maremu', tia'mo sia meremu-remu'pé', taan tawimo sia ma'ulitla i mahpaayang wo mahpaayang uman am wangun wo sia toro sumawang sé tou zéi'kan wutul am pemandungen néra.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 4:16

Pahpaan i ni aku witi Tesalonika, ni kamu ém woo makapira i nimahwéhémé a sasawang wia ni aku.

Filipi 4:17

Zéi'kan a méiwéhémé itii am penérongku, taan ung kapaazku si Mahpiara éng kalakezna i mahwéhémé péléng am péléng wia ni kamu pahpaan simawangomé ni aku.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.

2 Tesalonika 3:8

Ni kai kasii én zéi'kan kawisa kimanla an tikohon anu né tou walina wo zéi'kan winaér. Taan ni kai én totoz mahtututu' i mahpaayang endo wengi, wo ni kai zéi'kan maéndo pengalin im wia ni kamu.

Titus 2:8

an ipahkuamu ém wéwéhan torona wo zéi'kan siapa um pahséro'an, makaz sé mahsaru ni ko é maizang pahpaan zéi'kan siapa un ikua néra i mahtawuruk tumoro ni kita.

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

2 Petrus 1:8

Pahpaan sa kamu zéi'kan mazéi' mahwangun niana péléng, nianamo u sumawang ni kamu i makawawa mahtata'u wo lamata'u si Yesus Kristus Mahpiarata.