Titus 3:13 - Taaz Weru Witu u Nunuwu'en Tombulu

¹³ Uli-ulit im pahsawangan kasiila si Zenas, si tulap an ukum wo si Apolos, wo sa séra lumampang, péléng am pemandungen néra ém wutul.

Titus 3:13 Iomraidhean Croise

Matius 22:35

Wéwéhan si esaané im wia ni séra, si tou tulap un Torat mema'wa' si Yesus. Ni sia é meligau,

Lukas 10:25

Makasamé, wéwéhan si tou tulap un Torat rimendaié i mahwawa'wa' si Yesus, kuana, “Méster, apa u léwo'zéi' wangunengku i makailek ung katou-touan makaz ing kauré-uré?”

Lukas 11:45

Wéwéhan si esa im wia sé tou tulap un Torat kimua wia si Yesus, “Méster, ni Ko i mahkuamé an téntu, ni Ko é mahséro'mo wia ni kai kangkasii.”

Lukas 11:52

Ikaléwo'la ni kamu in tou tulap un Torat! Pahpaan ni kamu é mata'umo kura ing kumiit si Opo Empung, taan ni kamu é soo kumiit niitu. Lumouspé'mé niitu, pahapé-apé'an niou sé tou paaz mahtata'u kura ing kumiit si Opo Empung. Niana é masuat wo ni kamu én timion ung kusi' u loloangan i muntep witu ung kata'uan tumoro si Opo Empung, taan ung kusi' itii é méilé'os niou uman wo sé tou mahuuntep witu ém pahapé-apé'an niou uman.”

Lukas 14:3

A si Yesus meligau wia sé tou tulap un Torat wo wia sé sana réwok tou Farisi itii, “Mengiit an tinotoz witu um pa'émanenta, toro kaapa zéi'kan si tou saki lé'osen witu un endo Sabat?”

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Kisah Rasul-rasul 18:24

Karegas niitu, wéwéhan si tou Yahudi makangaran Apolos niméyé witi Efesus. Ni sia én tou Aleksandria. Ni sia é siga' i mahnuwu' wo totoz mata'u um Pinantik Lenas.

Kisah Rasul-rasul 19:1

I si Apolos witipé' Korintus, si Paulus é nimakaliklikola am wanua méikazuhu witi tana' itii an ikaayola witi Efesus. Im witi Efesus, ni sia nimahilekan karia né woopira tou ma'éman wia si Yesus.

Kisah Rasul-rasul 21:5

Taan i simampetoma an endo nai i mahento' witu, a ni kai lumampang. Péléng sé tou ma'éman wo sé mahayo néra wo sé oki' néra é nimahwalima ni kai makaz i nimondolé im witu um wanua tua'na itii. I méikaayomola witi tembir un tasik, ni kai péléng éng kimuruzla a mengaléi.

Kisah Rasul-rasul 28:10

Sé tou witu én totozo mahsigi' ni kai. I ni kai mangémo, péléng am pemandungen nai ém pinakaimek nérala.

Roma 15:24

mengalé-ngaléi uman, ni aku i mangé witi Spanyol én toro tumulima witu wo mahilekan karia niou im witi Roma wo toro mahpaa-paazla karia niou zozo' in zéi'kan mauréma. Mengalé-ngaléi uman ni aku én toro sawangan nioué i mangé witi Spanyol.

1 Korintus 16:11

Niitumo, tia' wo wéwéhan si zéi'kan memandung ni sia! Lumouspé'tarémé niitu sawangala sia wo sia toro meméhé-méhéma i lumampang, zéi'kan siapa a mahraung makaz sia toro ikaayomé sumaup wia ni aku. Pahpaan im wia'i, ni sia ém pa'ento'engku karia né katuari walina.

1 Korintus 16:12

Tumoro si katuarita Apolos, méipenau-naupkumo i mengimbali wia ni sia, wo sia mahwali karia né tou esa pa'émanen walina i mangémé wia ni kamu. Taan in tarékan ni sia é soopé' i mangé wia ni kamu. Sa wéwéhano un oras lé'os, ni sia é mangé wia ni kamu.