Titus 3:10 - Taaz Weru Witu u Nunuwu'en Tombulu

¹⁰ Si tou mahkayo' sé jamaat, totoz i séro'ennula makasa kaapa makazua, taan sa sia soo tumalinga tia'mo mahkari-karia ni sia.

Titus 3:10 Iomraidhean Croise

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

2 Korintus 13:2

Pahpaan ing kazua ni aku i niméyéma wia ni kamu, niitu é mémoipapagenangkuma wia sé tou memua-muali a singkéla' wo wia péléng sé tou walina. In tarékan ni aku in zou'mé im wia ni kamu, ipapagenangkuma sumaup wia sé tou memua-muali a singkéla' wo wia péléng sé tou walina. Téntii un ikuakuma, i ni aku méyé sumaup ni séra én totoz ukumengku.

Galatia 5:12

Sé tou mahkayo' ni kamu karia an tutuzu' im pahsunaten, tawimo pakaketoren néramola in esa u makaizangen néra!

Galatia 5:20

mahongkot wo mahsigi' wia sé opo-opo, mahriara, lakez kakoro', tangkoro'en, téutéu, uupi'en, memandung uman un tou in esa, mangun sé tou makahkoro', mahwangun sé tou makayo',

2 Tesalonika 3:14

Sa wéwéhan tou soo kumiit a méipantik nai witu um pinantik kenu, na'uala si tou itii wo tia' mahkari-karia ni sia wo sia maizangla.

2 Tesalonika 3:6

Katuari-katuari, pahaléien nai wia ni kamu witu ung ngaran ni Yesus Kristus Mahpiara, wo ni kamu zumou'mé im wia sé katuari esa pa'émanen sé soo maayang wo zéi'kan mahkiit an tutuzu' méipahtuzu' naimo wia ni kamu.

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

2 Petrus 2:1

Rengané im puuna ém wéwéhano sé nabi towo kimaria sé tou ni Opo Empung. Téntu kangkasii in tumondong im wia ni kamu ém wéwéhan sé méster towo. Ni séra é matumuzu' an tutuzu' zéi'kan ulit, u mahlululu uman sé tou makaz sé tou é maikaléwo'. Lumousé niitu ni séra é mahkélong i si Yesus Kristus é si mahkawasa si timubus ni séra. Niitu u nimangun ni séra i rewek léwo'en.

2 Yohanes 1:10

Niitumo, sa wéwéhan si méyé wia ni kamu wo zéi'kan mahtuzu' an tutuzu' ni Kristus, si tou itii én tia' pahsungkulen niou i muntep witu um walé niou wo tia' mahwéhé u sisigi'an wia ni sia.