Titus 2:8 - Taaz Weru Witu u Nunuwu'en Tombulu

⁸ an ipahkuamu ém wéwéhan torona wo zéi'kan siapa um pahséro'an, makaz sé mahsaru ni ko é maizang pahpaan zéi'kan siapa un ikua néra i mahtawuruk tumoro ni kita.

Titus 2:8 Iomraidhean Croise

Markus 12:17

Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung!” Tumalingamé niitu, ni séra é mengusi-ngusingsing.

Markus 12:28

A si tou tulap un Torat si timalinga si Yesus wo sé tou wia sé sana réwok tou Saduki i mahéndo-éndoan wo mata'u sa a méiwingkota ni Yesus wia sé tou itii én totoz ulit, rumétéma wia si Yesus a lumigau, “Im wana péléng am perénta ni Opo Empung, perénta wisa un totoz ipahpuu-puuna?”

Markus 12:32

A si tou tulap un Torat itii kumuala wia si Yesus, “Totoz timoro Méster, u méikua-Mumé itii én timoro, i si Opo Empung én esa uman, zéi'kan siapa walina.

Markus 12:34

Si Yesus i nimilekla si tou itii nimingkoté én totoz timoro, ang kuan-Na, “Zéi'mo uré ni ko é maéndomo tou witi Kakolanoan ni Opo Empung.” Tumondong niitu, zéi'mo siapa zozo' in esa si wuaya i lumigau wia si Yesus.

Lukas 13:17

I si Yesus kimuama téntu, péléng sé tou mahsaru si Yesus é nimaizang taan sé tou lakez é mahpaa-paaz pahpaan am winangun ni Yesus én totoz wangko'.

2 Tesalonika 3:14

Sa wéwéhan tou soo kumiit a méipantik nai witu um pinantik kenu, na'uala si tou itii wo tia' mahkari-karia ni sia wo sia maizangla.

1 Timutius 5:14

Niitumo sé wéwéné mahesa-esamokan sé zéi'kampé' tahlous tu'a, kapaazku ni séra éng kumawéngla sumaup. Sa séra kumawéngla sumaup, ni séra én toro makaileké koki' wo mahtu'tul sé sana awuna. Karia in téntu, sé kakoro'ta én zéi'kan mata'u mahtawuruk u ngaranta.

1 Timutius 6:3

Séi si mahtuzu' an tutuzu' an zéi'kan masuat wo soo kumiit an tutuzu' ni Yesus Kristus Mahpiarata wo kasii nimawalinaan karia an tutuzu' kaulitan tanu am pahkiitenta i mahragés wia si Opo Empung,

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.

1 Petrus 2:15

Un totoz kapaaz ni Opo Empung ni kamu é mahwangun a lé'os. Pahpaan karia in téntu ni kamu é nimangun a sumah né tou lemou ing kumana'la im wayaan uman ang kanuwu'an tumoro ni kamu.

1 Petrus 3:16

wo karia ung genang lé'os. Sa um pakahwingkot niou én téntu, niitu é mangun sé tou menuwu-nuwu' a léwo'an tumoro ni kamu sé mahwangun a lé'os pahpaan i mahkiit si Kristus é maizang, pahpaan a léwo'an penuwu-nuwu'en néra itii.