Titus 2:6 - Taaz Weru Witu u Nunuwu'en Tombulu

⁶ Téntu kangkasii sé tarétumou, pahsésaala séra, wo séra makaezen a lelo néra im wana am péléng

Titus 2:6 Iomraidhean Croise

1 Tesalonika 5:6

Pahpaano niitu, ni kita én zéi'kan toro meneke-nekel uman tanu sé tou walina. Ni kita én totoz i mile-ilek wo tuméga-tégam.

1 Timutius 5:1

Timotius! Tia' mahrekak wia sé tuama tu'amo. Taan maheluz umanla i mahnuwu' wia ni séra tanu i mahnuwu' wia si ama'mu. Wo pahnuwu'ala sé tarétumou tanumokan ko i mahnuwu' wia sé tuarimu.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

1 Yohanes 2:13

É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan si tonaas né sétang éng kinala niouola.