Titus 2:5 - Taaz Weru Witu u Nunuwu'en Tombulu

⁵ menou-nou karia in tulap wo zéi'kan siapa pahséro'an, tulap i mahimek sé sana awu néra, lé'os uman wo mahtali-talinga wia si mahayona. Karia in téntu, u Nuwu' ni Opo Empung én zéi'kan pahséro'an né tou.

Titus 2:5 Iomraidhean Croise

Kisah Rasul-rasul 9:36

Im witi Yope, wéwéhan si wéwéné ma'éman si Yesus makangaran Tabita. (Im witu u nunuwu'en Yunani u ngaranna én Dorkas). Ni sia é makalakez mahwangun a lé'os wo meméméhé a sasawang.

Kisah Rasul-rasul 9:39

Timalingala niitu, a si Petrus rengan nimimekla a mangé karia néra witi Yope. I méikaayomoma wana, a sia ipahwali nérama witi welah atas. Péléng sé wéwéné mahesa-esamokan é marimété si Petrus. Karia i mahamé' ipapailek nérala wia ni sia péléng ang karai wo ang karai tonton am winilit ni Dorkas i ni sia memali-malipé' karia néra.

Roma 14:16

Niitumo, tia' ipahwaya niou um wangun im witu un tou niou ém pahtawuruken né tou walina.

Roma 2:24

Tanu u méipantik witu un ukum Torat in téntii: “Pahpaano ni kamu in tou Yahudi, u ngaran ni Opo Empung ém pahséro'an im wia sé tahsasana wanua walina.”

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

1 Korintus 14:34

Tanu péléng am pahwangunen né jamaat sé linenas ni Opo Empung, sé wéwéné im wana am pahréwo-réwokan né jamaat i mahragés é rimumez makapenes wo mahtalinga wia si mahnuwu' witu um pahréwo-réwokan itii. Ni séra zéi'kan toro numuwu'. Téntu u méipantik witu un ukum Torat.

Efesus 5:33

Taan ung kenu kangkasii én tumoro ni kamu sé sana séndé'mo: Iraraatéla si wéwéné mahayomu tanu ni ko i rumaraaté un toumu in esa, wo wia si wéwéné makamahayo, pahsigi'ela si mahayomu.

Kolose 3:18

É kamu im wéwéné makamahayo, mahtali-talingala wia si mahayomu, téntu ung kapaaz ni Mahpiara.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

1 Timutius 6:1

Péléng sé ata ma'éman si Kristus é léwo'zéi' i mahgenangla sa si tuangna ém wangun im pahsigi-sigi'en. Karia in téntu u ngaran ni Opo Empung wo an tutuzu' ulit am pahkiitenta én zéi'kan séro'an né tou zéi'kan ma'éman.

Titus 2:4

wo séra toro mahtuzu' sé wéwéné tuari néramé i rumaraaté si mahayo wo sé oki' néra,