Titus 2:15 - Taaz Weru Witu u Nunuwu'en Tombulu

¹⁵ Titus, ipakawoka'la niana péléng, pahsésaala wo pahséro'ela séra karia ung kawasa in aatu ni Opo Empung. Tia' ipahwaya séi uman si meroros ni ko.

Titus 2:15 Iomraidhean Croise

Matius 7:29

pahpaan ni Sia i mahtuzu' ni séra éng karia ung kawasa, zéi'kan tanu sé tou tulap un Torat.

Markus 1:22

Sé tou witu é mengusi-ngusingsing i mahtalinga am pahtuzu'-Na, pahpaan ni Sia i mahtuzu' éng karia ung kawasa, zéi'kan tanu sé tou tulap un Torat.

Markus 1:27

Péléng sé tou witu é mengusi-ngusingsing, akaz si esa é mahkua wia sé walina, “Apa mokala ang kenu! Ang kenu én tutuzu'mo weru ung kinaria ung kawasa! Ni Sia é mahperénta sé sétang wo sé sétang é mahkiit am perénta-Na.”

Lukas 4:36

Péléng sé tou é mengusi-ngusingsing a mahkua wia si esa wo si esa, “A sangali kamakakompo'en a nuwu'-Na kenu! Pahpaan a nuwu'-Na é mawuta-wuta kawasa i mahperénta takazan sé roh léwo' é nimondolé im wia sé tou.”

1 Korintus 16:11

Niitumo, tia' wo wéwéhan si zéi'kan memandung ni sia! Lumouspé'tarémé niitu sawangala sia wo sia toro meméhé-méhéma i lumampang, zéi'kan siapa a mahraung makaz sia toro ikaayomé sumaup wia ni aku. Pahpaan im wia'i, ni sia ém pa'ento'engku karia né katuari walina.

1 Timutius 5:20

Si tou mahwangun a singkéla' é léwo'zéi' nuwu'ala witu u saru-sarun né jamaat, wo sé tou walina kangkasii é maindé' i mangun a singkéla'.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Titus 1:13

Un ipahkua ni nabi itii én ulit. Niitumo, totoz ing kaupi'ala séra wo séra mazéi' i ma'éman an tutuzu' zéi'kan ulit,

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.