Titus 2:12 - Taaz Weru Witu u Nunuwu'en Tombulu

¹² Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Titus 2:12 Iomraidhean Croise

Matius 12:32

Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Lukas 1:6

Sé sana séndé' kenu ung katou-touan néra é mahkiit ung kapaaz ni Opo Empung wo karia un ulit ni séra é mahkiit péléng am perénta wo an tinotoz ni Opo Empung.

Lukas 1:75

witu ung kalenasan wo ung kaulitan witu u sinaru-Na kauré ni kita i menou-nou.

Yohanes 14:30

Zéi'mo lakez un ikua-Kuma wia ni kamu pahpaan si tonaas né sétang si mahkawasa wia ung kaayahan kenu é mahéyémo. Taan ni sia én zéi'kan siapa kawasa i merénta ni Aku.

Yohanes 6:25

I si Yesus kinailekanola né tou lakez im witi leweta u louz itii, ni séra meligau wia ni Sia, “Méster, kawisa a ni Ko ikaayomé wia'i?”

Kisah Rasul-rasul 24:16

Pahpaano niitu ni aku sekezé é mahtututu' i menou-nou karia un até weresi, witu u sinaru ni Opo Empung wo witu u sinaru né tou.

Kisah Rasul-rasul 24:25

Taan i si Paulus mahkua tumoro kura i menou-nou ulit witu u sinaru ni Opo Empung, kura i mahimek un tou im wana a léwo'an, wo kasii tumoro un endo in tumondong i si Opo Empung métumotoz ulit kaapa zéi'kan am pahwangunen né tou, si Feliks éng kinaindé'an ang kumua, “Téntupé', wo in tarékan é mangémo. Sa wéwéhano endo lé'os, ni ko én tawahengkumokané sumaup.”

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 6:19

Ni aku i mahkuama éng karia u nunuwu'en toro katulapan ung kinanaram im pengungua né tou sekez in endo. Pahpaan ni kamu in tou én zéi'kan enté', niitumo ni kamu ngerez i mahtutulap niitu. Im puuna ni kamu é niméhé péléng un tou niou i maéndo ata im wana ang kasamekan wo a mahsaru si Opo Empung a nimangun ni kamu kalousna i mahsaru ni Sia. In tarékan, ni kamu é léwo'zéi' méhéla péléng un tou niou i maéndo ata im wana ang kaulitan a mangun ni kamu lenasen ni Opo Empung.

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 1:4

Karia um paaz ni Opo Empung si Ama'ta, si Yesus Kristus nimayo un tou-Na in tumubus ni kita im wana a singkéla' pahwangunenta wo milot ni kita im wia ung kaayahan léwo' kenu in tarékan.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Kolose 1:22

In tarékan, mengiité un awak ni Yesus Kristus i ni Sia nimaté sinalip, si Opo Empung nimangun ni kamu nimalé'osan sumaup karia-Na. Karia in téntu, ni kamu é linenas-Na wo weresi wo zéi'kan siapa um pahséro'an im witu u sinaru-Na.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

1 Tesalonika 4:9

Tumoro kura i mahraa-raatéan karia né katuari esa pa'émanen én zéi'mo totoz ipantikkuma wia ni kamu, pahpaan ni kamu én tinuzu'mo ni Opo Empung kura i mahraa-raatéan.

1 Timutius 4:12

Tia' wo wéwéhan sé tou mahgenangla i ni ko én tou roros pahpaan ni ko ém weru tou. Mahtututu'la i maéndo kékéréan wangun né tou ma'éman wia si Opo Empung, wana an ipahkuamu, wana am pemangu-mangunennu, wana a raraatéannu, witu um pa'émanennu wo witu ung katou-touannu un zéi'kan penéro-néro'an né tou.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

1 Timutius 6:9

Taan sé tou paaz mawa'ilan, ni séra é méikauntepola witu um pema'waan, niéndo um wetes wo megena-genang uman a lelo léwo' un awak an zéi'kan siapa torona u maluméwo' ni sia. Am pelelo-lelo néra é mangun ni séra makemu wo ikaléwo'.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Ibrani 8:11

Ni séra én zéi'mo pandung i mahtuzu' sé kawanua néra, kaapa sé katuari néra ing kumua: Mata'ula si Opo Empung! Pahpaan ni séra péléng, in tou kanaramen kaapa in tou pahsigi-sigi'en é lamata'u ni Aku.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

2 Petrus 3:11

Sa péléng niana é maapu tanu niitu, kura ung katou-touan niou? Tantumo, ni kamu i menou-nou é léwo'zéi' i lenas wo mahkiit uman ung kapaaz ni Opo Empung.

1 Yohanes 2:27

Taan ni kamu ém winéhano ni Yesus Kristus si Roh Lenas ing kumawasa wia ni kamu. Pahpaan si Roh Lenas wiapé' ni kamu, niitumo ni kamu én zéi'mo memandung sé tou walina in tumuzu' ni kamu. Pahpaan si Roh Lenas én timuzu'mo ni kamu tumoro péléng am péléng, wo péléng a méituzu'-Na itii én ulit, zéi'kan towo. Niitumo ni kamu sé im puuna én tinuzu'mo ni Roh Lenas é léwo'zéi' i menou-nou mahkiit um paaz ni Yesus Kristus.

1 Yohanes 2:6

Séi si mahkua i ni sia é menou-nou karia ni Opo Empung, ni sia é léwo'zéi' i menou-nou tanu ung katou-touan ni Kristus.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”

Wahyu 14:12

Un ipahpuu-puuna im wia'i éng kaezenan né tou ni Opo Empung, sé mahkiit am perénta-Na wo ma'éman wia si Yesus.