Titus 1:5 - Taaz Weru Witu u Nunuwu'en Tombulu

⁵ Titus, ni ko é méitula'ukumé witi katanaan Kreta, wo ko toro mimekla an zéi'kampé' niimek, wo tumotoz sé penatua wana am wanua tua'na, mengiit a méikuakumo wia ni ko.

Titus 1:5 Iomraidhean Croise

Kisah Rasul-rasul 11:30

Am pakaréwoken nérala a sasawang, an totozen nérala si Barnabas wo si Saulus i mahali niana wia sé penatua witi tana' Yudea.

Kisah Rasul-rasul 14:23

Sé zua aatu itii kasii én timotozla sé penatua witu un jamaat esa wo jamaat walina. Tumondong niitu, karia i mahpuasa wo mahmengaléi, sé penatua itii méiayola né aatu itii wia si Mahpiara si pa'émanen néra.

Kisah Rasul-rasul 2:11

tou Yahudi wo zéi'kan tou Yahudi taan mahkiito um pa'émanen né Yahudi. Wo wéwéhan kasii sé tou Kreta wo tou Arab. Ni kita péléng é mahtalingamé ni séra i mahnuwu' karia a nunuwu'enta tumoro am winangun ni Opo Empung am wangko'.”

Kisah Rasul-rasul 27:12

Pahapaan u susuwaan itii én zéi'kan wangun im pahsuwaan a londéi tua'na sa oras in zaté, niitumo lakez im wia sé tou witu u londéi tua'na itii ém paaz uman meméhé-méhé i suméngkot maayoma um wanua tua'na Feniks, i mamento' witu in oras in zaté. Um wanua tua'na Feniks é susuwaan witi katanaan Kreta, u makasaru talikuzan timuh wo talikuzan amian.

Kisah Rasul-rasul 27:13

In toro niitu, u reges timuh én zéi'kan repet. Niitumo, pahgenangen nérala ni séra én toromo suméngkot sumaup tanu ung ginenang néra. An isaké néramé un jangkar a suméngkot meruruhma un tasik ung katanaan Kreta.

Kisah Rasul-rasul 27:21

Pahpaan woopirana endomo ni séra zéi'kan kiman, a si Paulus rumendaia witu un unez néra ang kumua, “Katuari-katuari, sa kiniitan nioula u méikuaku im witipé' katanaan Kreta in tia'pé' suméngkot, ni kita én zéi'kan nimasusa tanu in tarékan wo timia' am pahali-alinta.

Kisah Rasul-rasul 27:7

Im pirana endomo mahséngkot, u londéi tua'na sinakéan nai én tanu a memitu-mitu uman. Zozo' i nimawendu-wenduma, ni kai é méikaayokana witu rété um wanua tua'na Knidus. Pahpaan u reges totoz repet mahsarumé ni kai, niitumo ni kai nimeruruh-ruruh umana ung katanaan Kreta kimiita un tasik limangkoia un tongkéina Salmone.

1 Korintus 11:34

Sa wéwéhan si maharem, tawimo sia kumanomé witi waléna. Karia in téntu um perjamuan niou én zéi'kan mangun ni kamu in ukumen ni Opo Empung. Am walina én imekengkumokan sa ni aku méyé in tumondong.

1 Korintus 14:40

Taan sa kamu mahragés, péléng am péléng ém pahimekela lé'os wo pahtu'tulela.

1 Korintus 4:17

Pahpaano niitu si Timotius méiatukuma i mangé wia ni kamu. Ni sia én tou ma'éman wia si Opo Empung, ni sia én tanumokan oki'ku totoz ikararaatéku wo ni sia ém pa'émanengku. Ni sia si mapagenang wia ni kamu kura ung katou-touangku i nimaesa karia ni Kristus Yesus, tanu a méipahtuzu'ku wia sé jamaat wisa uman um pahwéha-wéhan néra.

Kolose 2:5

Pahpaan zozo' ni aku zéi'kan mahwali-wali karia niou, taan genangenola i ni aku én tanumokan kimaria ni kamu zozo' ni aku én zou'mé im wia ni kamu. Ni aku kangkasii é mahpaa-paaz in timalingamé i ni kamu é mahesa-esaan wo um pa'émanen niou én enté' im wia si Kristus.

1 Timutius 1:3

I ni aku mahangémo witi Makedonia, ni ko én totoz pinahaléikula i mento'mola witi Efesus, wo ko toro suméro' sé mahtuzu' an tutuzu' zéi'kan ulit wo séra kumana' i mahtuzu' an tutuzu' itii.

2 Timutius 2:2

An tinalingamumo wia ni aku witu u saru-sarun né tou lakez, itarawésala wia sé tou toro tarawésaan niitu, sé siga' kangkasii i mahtuzu' sé tou walina.

Titus 1:12

Wéwéhan si tou tulap si pahkuan néra i nabi, si tou witi Kreta itiikan é nimahkuamoma in téntii, “Sé tou Kreta én tantowo, tanu si meneza' tou, si sorem wo soo mawendu.”