Roma 9:7 - Taaz Weru Witu u Nunuwu'en Tombulu

⁷ Zéi'kan péléng sé suzu ni Abraham é makailek u méitaaz ni Opo Empung wia si Abraham. Pahpaan ni Sia éng kimua wia si Abraham, “Si suzu ni Ishak uman si makuan suzumu.”

Roma 9:7 Iomraidhean Croise

Matius 3:9

Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Lukas 16:30

A si tou wa'ilan itii mingkoté, ‘Azo ndootuu ama' Abraham, zéi'kan mamuali sa téntu uman. Taan sa wéwéhan si esaané im wia sé nimaté si méitoumé sumaup wo mangé wia ni séra, ni séra én tumula'u a singkéla' pahlé'osen néra.’

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Galatia 4:23

Si koki' méitoumé ni wéwéné atana é méitoumé pahpaan um paaz in tou uman, taan si koki' méitoumé ni wéwéné si zéi'kan atana itii é méitoumé pahpaan un taaz ni Opo Empung wia si Abraham.

Galatia 4:28

Niitumo katuari-katuari, ni kamu é méitoumé pahpaan un taaz ni Opo Empung wia si Abraham, kasuat ni Ishak.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Ibrani 11:18

zozo' si Opo Empung éng kimuamo wia si Abraham in téntii, “Im wia si oki'mu si Ishak, ni ko é makailek suzu, tanu u méitaaz-Ku wia ni ko.”