Roma 9:6 - Taaz Weru Witu u Nunuwu'en Tombulu

⁶ Zozo' sé tou Israel é soo ma'éman si Yesus, ni aku én zéi'kan mahkukuama a méitaaz ni Opo Empung wia sé nimaopo néra én zéi'mo pahpakén; taan zéi'kan péléng sé suzu né tou Israel én tou pinéléng ni Opo Empung.

Roma 9:6 Iomraidhean Croise

Matius 24:35

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Roma 3:3

Niitumo, kura sa im wia ni séra ém wéwéhan sé zéi'mo ma'éman si Opo Empung? Sa téntu, apa niitumo u mangun si Opo Empung maliuz a méitaaz-Na?

Roma 9:4

Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

2 Timutius 2:13

Sa kita nimaliuz wana a méitaazta, ni Sia én zéi'kan kawisa nimaliuz wana a méitaaz-Na, pahpaan zéi'kan mamuali ni Sia ing kumélong un tou-Na.”