Roma 9:4 - Taaz Weru Witu u Nunuwu'en Tombulu

⁴ Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

Roma 9:4 Iomraidhean Croise

Matius 21:33

“Talingana un aandéan walina kenu. Wéwéhan si makauma nimukama un uma an tanemannama anggor a réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma itii. An ipekiwendunama un umana itii wia sé mememendu, a sia suméngkota.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Kisah Rasul-rasul 2:39

Pahpaan u méitaaz ni Opo Empung itii méiwéhé wia ni kamu wo wia sé suzu niou, wo kasii wia sé tou sé mahento' witi tampa zou'ma, kalakez né tou sé tawahen-Na.”

Roma 3:2

Im wana péléng am péléng é lakez, un ipahpuu-puuna ém pahpaan sé tou Yahudi itiimo sé tinarawésaan u Nuwu' ni Opo Empung.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Roma 9:6

Zozo' sé tou Israel é soo ma'éman si Yesus, ni aku én zéi'kan mahkukuama a méitaaz ni Opo Empung wia sé nimaopo néra én zéi'mo pahpakén; taan zéi'kan péléng sé suzu né tou Israel én tou pinéléng ni Opo Empung.

2 Korintus 11:22

Ni séra é mahkua in tou Ibrani? Ni aku kangkasii én tou Ibrani! Ni séra é mahkua in tou Israel? Ni aku kangkasii én tou Israel! Ni séra é mahkua i suzu ni Abraham? Ni aku kangkasii é suzu ni Abraham!

Galatia 3:16

Péléng an taaz itii é méikuamo wia si Abraham wo wia si suzuna. Si Opo Empung ing kimua un taaz itii én zéi'kan kimua “wia sé suzuna”, pahpaan sa méikua “wia sé suzuna” ung kalakoana é lakez sé makailek un taaz itii, taan si Opo Empung éng kimua “wia si suzumu”, ung kalakoana én esa uman si makailek un taaz itii, ni siamo si Kristus.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Ibrani 9:1

Witu um pinataazan kataré, wéwéhan an tinotoz i mahragés wia si Opo Empung wo an tinotoz witu un untep un ténda ni Opo Empung um winangun wia ung kaayahan kenu.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

Ibrani 9:3

Im witu un Tampa Lenas itii ém wéwéhan u roko' méiapé' kazua wo witu muri u roko' méiapé' itii ém wéwéhan un tampa pahkuan Tampa Totoz Lenas.

Ibrani 9:5

Witu um wawo un tatahu'an itii ém wéwéhan sé zua patong tanu sé malaekat pahkuan kerub, niitu én tumuzumé ung kawangko'an ni Opo Empung. Un tétéwél né patong itii é mawuka-wuka wo kimungkung witu ung kekelew un tatahu'an itii. Ung kekelew un tatahu'an itii ém pahkuan tampa ni Opo Empung méhé un ampungan wana a singkéla' né tou. Taan in tarékan én zéi'kampé' orasna ni aku in tuma'sama i mapata'u ung kalakoan péléng niitu.

Ibrani 9:6

Téntu am witu un Ténda ni Opo Empung i niimek. Sekez in endo sé walian é muntepa witi tampa kataré um pahkuan Tampa Lenas, i mangun am paayangen néra i rumagés wia si Opo Empung.