Roma 9:3 - Taaz Weru Witu u Nunuwu'en Tombulu

³ Ni séra éng katuariku kawanua. Ni aku ém paaz toron un epa' wo pata'san karia ni Kristus in tumulung ni séra.

Roma 9:3 Iomraidhean Croise

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 22:5

Si Walian Wangko' wo sé Mahkamah Agama kasii én toro kumuamé, sa péléng an ipahkuaku én ulit. Wo ni séra kasii sé niméhémé um pinantik u niméhé ung kawasa wia ni aku im pahalin wia sé tou Yahudi witi Damsyik. Um pinantik itiimo u nimangun ni aku in toro tumion sé tou sé mahkiit an tutuzu' ni Yesus Mahpiara witi Damsyik a mahwali ni séra witi Yerusalem i maukumen.

Kisah Rasul-rasul 28:21

Taan ni séra éng kimuala wia si Paulus, “Zéi'kan siapa am pinantik am witi Yudea a méyé ang kinailekan naimé un toro tumuzu'mé wia ni kai tumoro ni ko. Wo zéi'kan siapa zozo' in esa si katuarita si witi Yerusalem a méyé i mékimua a léwo'an tumoro ni ko.

Roma 1:3

U Nuwu' Lé'os itii én tumoro si Oki' ni Opo Empung, si niméyé wia ung kaayahan in tou uman, méitoumé im wia si suzu ni kolano Daud.

Roma 11:1

Niitumo, ni aku é meligau: Apa sé tou Israel sé pinéléng ni Opo Empung é mémoitia'-Na? Zéi'kan! Pahpaan ni aku in esa én tou Israel, suzu ni Abraham, wia sé suzu ni Benyamin a méyé.

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 16:11

U sigi'ku wia si Herodion, si kawanuaku wo wia péléng sé witi walé ni Narkisus, sé katuari esa pa'émanen.

Roma 16:21

Si kapaayangku, si Timotius é méhéma u sigi'na. Téntu kangkasii sé kakaria kawanuaku si Lukius, si Yason wo si Sosipater.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

Roma 9:2

Un atéku én totoz rumara wo totoz pendis pahpaan sé katuariku tou Israel é soo ma'éman wia si Yesus.

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

1 Korintus 16:22

Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”

2 Korintus 12:15

Niitumo, kapaazku i méhé péleng an anuku i sumawang ni kamu, taka-takazan ung katou-touangku én iwéhéku i sumawang ni kamu. Téntu um wangunengku i mapailek i ni aku én totoz rumaraaté ni kamu, taan ni kamu én zéi'kan tahlous rumaraaté ni aku.

Galatia 1:8

Zozo' im wia ni kai kaapa si malaekat witi kasendukan si mahwoka' wia ni kamu u nuwu' lé'os walina un zéi'kan masuat karia u Nuwu' Lé'os tumoro si Yesus u méipahwoka' nai wia ni kamu, ni sia é makailek un epa' ni Opo Empung.

Galatia 1:9

Tanu u méikua nai im puunala, in tarékan én ikuakupé'ma sumaup: Sa wéwéhan si mahwoka' wia ni kamu u nuwu' lé'os walina tumoro si Yesus, un zéi'kan kasuat u Nuwu' Lé'os tumoro si Yesus ung kinailekan niouo, ni sia é makailek un epa' ni Opo Empung.

Galatia 3:10

Pahpaan péléng sé tou sé mahtututu' in éndon ulit witu u sinaru ni Opo Empung karia i mahkiit un ukum Torat, ni séra é makailek un epa' ni Opo Empung. Pahpaan witu um Pinantik Lenas é méipantik téntii, “Péléng sé tou zéi'kan uli-ulit mahwangun péléng un ukum Torat, ni séra é makailek un epa' ni Opo Empung.”

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”

Efesus 6:5

É ata, ni kamu é mahtali-talingala wia sé tuang niou sé wia ung kaayahan. Ni kamu in ata én uli-ulit i maindé', mahtali-talinga wo mahsigi' sé tuang niou tanu ni kamu in uli-ulit mahtali-talinga wo mahsigi' si Kristus.