Roma 9:21 - Taaz Weru Witu u Nunuwu'en Tombulu

²¹ Si memamangun ung kuré' tana' é mangun ung kuré' tana' itii kiit um paazna. U sana réwok tana' pulut masuat én toro wangunen kuré' peperong wo kuré' pahpakén i mendo-endo.

Roma 9:21 Iomraidhean Croise

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

Roma 9:18

Niitumo, si Opo Empung é mapailek u raraatéan-Na wia si tou sa niitu ung kapaaz-Na, wo ni Sia é mangun si tou makawal sa niitu ung kapaaz-Na.

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”