Roma 9:11 - Taaz Weru Witu u Nunuwu'en Tombulu

¹¹ Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

Roma 9:11 Iomraidhean Croise

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Efesus 2:9

Ni kamu méipiloté im witu un ukuman wana a singkéla' zéi'kan pahpaan um pinaayang niou, wo zéi'kan siapa si tou toro lumooz un touna in esa.

Efesus 3:11

Si Opo Empung nimangun niitu mengiit ung ginenang-Na u makaz ing kauré-uré, um winangun-Nama mengiité si Kristus Yesus Mahpiarata.

1 Tesalonika 1:4

Katuari-katuari sé ikararaaté ni Opo Empung. Kata'uan nai, ni kamu ém pinéléng-Namo.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”