Roma 8:3 - Taaz Weru Witu u Nunuwu'en Tombulu

³ An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Roma 8:3 Iomraidhean Croise

Markus 15:27

Ni séra kasii é simalipla karia-Na sé zua maremu', si esa ém witu ung kakan-Na wo si esa witu ung kawihi-Na. [

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 9:24

An tawahen néramé sumaup si letok woan itii a mahkua wia ni sia, “Ikuamé an ulit witu u sinaru ni Opo Empung, kata'uan nai si tou itii én tou mahsingkéla'.”

Kisah Rasul-rasul 13:39

Niitumo séi uman si ma'éman wia si Yesus, ni sia é niéndo ulit.

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 6:6

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

Roma 7:18

Kata'uangku witu un touku, in tou uman, zéi'kan siapa um wangun. Pahpaan u lelo i mangun am wangun ém wia ni aku taan ni aku én zéi'kan makawawa i mangun niitu.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

Roma 9:3

Ni séra éng katuariku kawanua. Ni aku ém paaz toron un epa' wo pata'san karia ni Kristus in tumulung ni séra.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”

Galatia 3:21

Sa téntu, apa un ukum Torat u méiwéhé ni Opo Empung é nimatamburian karia an taaz-Na? Zéi'kan téntu. Pahpaan sa un ukum Torat é méiwéhé ni Opo Empung i méhé ung katou-touan makaz ing kauré-uré, tantumo sé tou niéndo ulit im witu u sinaru ni Opo Empung pahpaan mahkiit un ukum Torat.

Filipi 2:7

taan péléng niitu é méitula'u-Namé a maéndo tou uman tanu si ata.

Ibrani 10:12

Taan si Kristus makasa uman nimayo un tou-Na i maéndo raragés makaz ing kauré-uré, in zuméi' a singkéla' né tou, a Sia marumumez witu ung kakan ni Opo Empung.

Ibrani 10:14

Pahpaan si Yesus Kristus nimaté makasa uman makaz ing kauré-uré i maéndo raragés, ni Sia nimangun sé tou nimaweresi im wana a singkéla', a séra maéndo tou linenas ni Opo Empung.

Ibrani 2:14

Sé koki' sé méiwéhémé ni Opo Empung itii é sé tou uman sé winangun karia u lé'ona wo un zaha'. Niitumo, si Yesus nimaéndo tou uman si winangun karia u lé'ona wo un zaha' tanu sé tou uman sé toro maté. Karia Sia i nimaté, ni Sia éng kimalamoma si tonaas né sétang si kimawasa witu um patéan.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.