Roma 8:19 - Taaz Weru Witu u Nunuwu'en Tombulu

¹⁹ Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

Roma 8:19 Iomraidhean Croise

Matius 5:9

Mahpaa-paazola sé tou sé mahalimé u mahlé'o-lé'osan, pahpaan ni séra éng kuan in oki' ni Opo Empung.

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Kisah Rasul-rasul 3:21

Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

Roma 8:14

Péléng sé tou pahahkiten ni Roh ni Opo Empung én oki' ni Opo Empung.

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

Roma 8:18

Pahpaan totoz kata'uangku, an zézéha pahpendanenta in tarékan zéi'kan mata'u pasuaten karia u lolooz wo u sisigi'an u maipapailek wia ni kita.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

Roma 9:26

Wo sé wana an tampa kinuaano, ‘Ni kamu én zéi'kan tou-Ku’, im wana ni séra é makuaan, ‘Sé oki' ni Opo Empung si menou-nou.’ ”

1 Korintus 1:7

Pahpaano niitu, péléng an tatambér ni Roh Lenas ém wiamo ni kamu, karegas ni kamu i ma'ento' si Yesus Kristus Mahpiarata i mawurimé sumaup.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

2 Korintus 6:18

Wo ni Aku é maéndo Ama' niou, ni kamu é maéndo koki'-Ku tuama wo koki'-Ku wéwéné. Niitu u Nuwu' ni Mahpiara, ni Sia si kimawasa péléng am péléng.”

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Filipi 1:20

Un totoz pelelo-lelongku wo um pahéré'engkula i ni aku én zéi'kan ipapaiza-izang im wana péléng am pahwangunengku i menou-nou. Ni aku én totoz ma'éman wo wuaya i mahnuwu' tanu im puuna, téntu kangkasii in tarékan, im wana péléng am pahwangunengku, zozo' ni aku i menou-noupé' kaapa i nimatémo, si Yesus Kristus ém pahloozen wo pahsigi'en.

Kolose 3:4

Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 1:7

Wana am pema'wa'en itiimo toro ikatuzu'mé sa ni kamu uli-ulit ma'éman wia ni Sia kaapa zéi'kan. Um pa'émanen niou itiipé' u mahal taan u mas un toro uman maléwo'. U mas é léwo'zéi' in tunumpé'la i mahtata'u sa niitu wangun kaapa zéi'kan. Um pa'émanen niou wia ni Sia é lumouspé'mé niitu, u léwo'zéi' im wa'wa'en wo niitu maenté'. Karia in téntu ni kamu é loozen wo sigi'en im witu un oras si Yesus Kristus i mawurimé sumaup.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

Wahyu 21:7

Séi si nimuntung, niitu péléng éng kailekanna. Ni Aku é maéndo Opo Empungna, wo ni sia é maéndo oki'-Ku.