Roma 8:15 - Taaz Weru Witu u Nunuwu'en Tombulu

¹⁵ Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Roma 8:15 Iomraidhean Croise

Matius 25:25

Niitumo, ni aku é maindé' a mailé'oskumé an zoit itii méikiaré witu un tana'. In tarékan, kenumo an zoit ni Tuang.’

Markus 14:36

Kuan-Na, “O Abba, o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”

Lukas 11:2

A séra wingkotela ni Yesus, kuan-Na, “Sa kamu mengaléi, téntii un ikua nioula, Ama', u ngaran-Mu é lenasen. Ung Kakolanoan-Nu é méyé.

Lukas 22:42

“Ama' sa tanu an toro, éndonoma am pengaling-Ku kenu im wia ni Aku; taan tia'mo ikiit um paaz-Ku taan ikiitola tanu um paaz-Mu.” [

Lukas 8:28

Kaiileknama si Yesus, a sia mahkérét ang kumuruzla ung gio makaz witu un tana' witu u sinaru ni Yesus, ang kuana karia i rimimeza, “É Yesus, Oki' ni Opo Empung si Totoz Rakék! Apa un éyé-Nu wia ni aku? Pahaléiengku wia ni Ko, tia'mo zumézéha ni aku.”

Lukas 8:37

Am péléng sé tou witi tana' Gerasa mahaléi wia si Yesus in tumula'uma un tana' néra, pahpaan ni séra én totoz maindé'. A si Yesus sumakéla witu u londéi a suméngkot sumaup tumula'uma un tana' itii.

Yohanes 16:8

Sa si Menunulung itii méyé, ni Sia é mémapata'u wia sé tou wia ung kaayahan kenu i ni séra én tou simingkéla'. Wo ni Sia kasii é mapata'u wia ni séra i ni Aku én ulit witu u sinaru ni Opo Empung wo kangkasii tumoro kura si Opo Empung in tumotoz ulit kaapa zéi'kan am pahwangunen né tou wia ung kaayahan kenu.

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Kisah Rasul-rasul 16:29

Tumalingamé niitu, si tonaas itii é nimatuma tou i mahalimé obor. A sia kumara'ma a muntepa witu untep um bui, wo kariamo i mahgerger sia kumuruzla witu u sinaru ni Paulus wo ni Silas.

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

Roma 8:26

Téntu kangkasii, si Roh Lenas é sumawang ni kita sa kita zéi'kan enté'. Pahpaan, zéi'kan kata'uanta kura un ulitna i mengaléi; taan si Roh Lenas in esa si nimengaléila am pema'o-ma'os an zéi'mo kakuaan.

Roma 9:4

Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

1 Korintus 2:12

Si roh wia ni kita é si roh méiwéhémé ni Opo Empung, si zéi'kan wia ung kaayahan kenu a méyé. Niitumo, ni kita én toro mata'u a méitambér ni Opo Empung wia ni kita.

2 Korintus 11:4

Pahpaan ni kamu é mahéné uman i sumungkul séi uman sé mahwoka' tumoro si Yesus si zéi'kan masuat wo si méipahwoka' nai, kaapa si roh si zéi'kan masuat wo si Roh Lenas si sinungkul niou. Ni kamu kasii é mahéné uman i sumungkul u Nuwu' Lé'os tumoro si Yesus un zéi'kan masuat wo u méipahwoka' nai.

Galatia 2:4

Un tumoro si Titus zéi'kan sinunat é méikakuamé pahpaan im witu ém wéwéhan sé mahkua-kua ma'éman wia si Yesus, taan un ulitna ni séra én towo, ni séra mahtututu' wo si Titus é sunaten. Ni séra é mahwuni-wuni i nimuntepé kimariala ni kai sé uli-ulit ma'émano si Kristus. Ni séra nimangunla an téntu wo séra toro mahilek apa um pahwangunenta i ni kita zéi'mo mahkiit un ukum Torat pahpaan nimaesa karia ni Kristus Yesus. Ni séra é mahtututu' wo kita ikakiit sumaup i mahwangun un ukum Torat. Sa kita ikakiitla, ni kita én tanu pahata-atan un ukum Torat itii.

Galatia 5:1

Pahpaan si Kristus si nimanguno ni kita in zéi'mo ata, ni kita én uli-ulit zéi'mo ata. Niitumo, enté-enté'en um pa'émanenta wia ni Sia, wo tia' iwaya niou un tou niou im pahata-atan sumaup un ukum Torat.

Efesus 1:5

Rengan im puuna, ni Sia é rumaraaté ni kita wo niméléngo ni kita i maéndo oki'-Na mengiité si Yesus Kristus, niitumo ung kapaaz-Na wo u mahwangun ni Sia mahpaa-paaz.

2 Timutius 1:7

Pahpaan si Opo Empung én zéi'kan niméhémé wia ni kita si roh iindé'en, taan si roh si mahwangun ni kita in enté', rumaraaté si kasuat tou wo toro mahime-imek un tou.

Ibrani 2:15

Karia in téntu, ni Sia é milot sé tou sé kauréna i menou-nou ém pahata-atan pahpaan maindé' um patéan.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

1 Yohanes 4:18

Im witu u raraaté én zéi'kan siapa an ikaindé'. Pahpaan u raraaté nimalekep é moho an ikaindé'. Witu u maindé' ém wéwéhan un ukuman, wo séi si wéwéhan un ikaindé', u raraatéanna én zéi'kan lekep.