Roma 8:11 - Taaz Weru Witu u Nunuwu'en Tombulu

¹¹ Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

Roma 8:11 Iomraidhean Croise

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.

Roma 16:10

U sigi'ku wia si Apeles. Méikatuzu'mo ung kaezenanna i ma'éman si Kristus. U sigi'ku wia péléng sé witi walé ni Aristobulus.

Roma 16:3

Ipapaayopé'la u sigi'ku wia si Priskila wo wia si Akwila sé kakariaku i mahpaayang wia si Kristus Yesus.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

Roma 16:9

U sigi'ku wia si Urbanus si kakaria i mahpaayang wia si Kristus. U sigi'ku kangkasii wia si kakariaku si Stakhis, si ikararaatéku.

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

Roma 8:12

Niitumo katuari-katuari, ni kita ém wéwéhan u léwo'zéi' im wangunen, taan zéi'kan mengiit ung kapaaz un awak in esa. Ni kita én tia' menou-nou mahkiit ung kapaaz un awak in esa.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

Roma 8:9

Taan ung katou-touan niou én zéi'kan mahkiit ung kapaaz un awak niou in esa taan mahkiit ung kapaaz ni Roh ni Opo Empung, pahpaan si Roh ni Opo Empung é nimaesamo karia niou. Si tou zéi'kan siapa Roh ni Kristus witu un aténa, ni sia én zéi'kan anu ni Kristus.

1 Korintus 15:16

Sa ulit sé tou nimatémo én zéi'kan itou sumaup ni Opo Empung, si Kristus kangkasii én zéi'kan méitou-Namé sumaup.

1 Korintus 6:14

Si Yesus si Mahpiara é méitoumé sumaup ni Opo Empung im wia sé nimaté, wo karia ung kawasa-Na ni kita kasii én itou sumaup im wia sé nimaté.

2 Korintus 4:11

Ni kai i menou-noupé' kenu, sekezé ém wéwéhan sé tou mahwuwunu' ni kai pahpaan si Yesus. Karia in téntu, ung katou-touan ni Yesus én ikatuzu'mé witu un tou nai u maté.

2 Korintus 4:14

Pahpaan kata'uan nai, si Opo Empung si timoumé sumaup si Yesus Mahpiara, ni Sia kangkasii si tumou sumaup ni kai karia ni Yesus. Ni kai karia niou é réwoken mahwali-wali witu u sinaru ni Opo Empung.

2 Korintus 5:4

I ni kita mahwitu-witupé' un awakta u masuat wo un ténda wia ung kaayahan kenu, ni kita é mahpa'os pahpaan am pengalinta ém wutez. Ni kita én zéi'kan mahgenangla i maté wo toro matampasan karia un awakta in tarékan, taan kapaazta ni kita ém werun wo wéhan ni Opo Empung un awak weru u menou-nou makaz ing kauré-uré.

Galatia 6:8

Pahpaan séi si mahkiit uman u lelo un awakna i mahwangun a léwo', ni sia é makailek um patéan pahpaan u lelo un awakna i mahwangun a léwo', taan sé mahkiit um paaz ni Roh Lenas, ni sia é makailek ung katou-touan makaz ing kauré-uré un ipahwéhémé ni Roh Lenas itii.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 11:11

Lumangkoia un telu wo sana pahzuana endo, si Opo Empung é niméhéma un asengan wia sé tou zua itii a séra rumendaié wo péléng sé tou nimileka sé tou zua itii én totoz maindé'.