Roma 8:10 - Taaz Weru Witu u Nunuwu'en Tombulu

¹⁰ Taan sa si Kristus é nimaesamo karia niou, zozo' un tou niou é maté pahpaan a singkéla', taan si Roh ni Opo Empung é méhé ung katou-touan wia ni kamu pahpaan ni kamu é niéndo-Na ulit.

Roma 8:10 Iomraidhean Croise

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 15:5

Ni Aku én tanu un tuuzna un anggor wo ni kamu én tanu am pangana un anggor. Séi uman si nimaesa karia-Ku wo ni Aku nimaesa kariana, um pahwua'namé é lakez, pahpaan sa zéi'kan nimaesa karia-Ku, zéi'kan siapa un toro wangunen niou.

Yohanes 17:23

Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 6:54

Séi uman si kuman un awak-Ku wo melep un zaha'-Ku, ni sia é makailek ung katou-touan makaz ing kauré-uré wo ni Aku én tumou sumaup ni séra im wia sé nimaté witu un endo kaakazan ung kaayahan.

Yohanes 6:56

Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

Roma 5:12

U singkéla' é nimuntepé wia ung kaayahan pahpaan si tou esa, ni siamo si Adam. Pahpaan u singkéla' a méyé um patéan. Niitumo um patéan é nimelapu-laputola wia péléng sé tou, pahpaan péléng sé tou nimangunola a singkéla'.

Roma 5:21

Niitumo, im puuna sé tou menou-nou kinawasa u singkéla', niitu kangkasii u nimahwali ni kita witu um patéan. Téntu kangkasii, pahpaan ung kamang méitambér ni Opo Empung éng kimawasa wia ni kita, ni kita é niéndo ulit i makailek ung katou-touan makaz ing kauré-uré, pahpaan si Yesus Kristus Mahpiarata.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

2 Korintus 13:5

Amoké wa'wa'en nioula un tou niou, wo kata'uan nioula sa ni kamu én uli-ulit ma'éman wia si Kristus kaapa zéi'kan. Pahtata'ula un até niou, ni kamu én uli-ulit mata'u i si Kristus Yesus ém witu un até niou kaapa zéi'kan! Pahpaan sa kamu zéi'kan uli-ulit mahkiit si Kristus, um pa'émanen niou én zéi'kan malekep im pema'wa'en.

2 Korintus 4:11

Ni kai i menou-noupé' kenu, sekezé ém wéwéhan sé tou mahwuwunu' ni kai pahpaan si Yesus. Karia in téntu, ung katou-touan ni Yesus én ikatuzu'mé witu un tou nai u maté.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

Filipi 1:23

Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Ibrani 9:27

Niitu é masuat wo si Opo Empung timotozo si tou i makasa uman maté. Tumondong niitu, si Opo Empung én tumotoz am pahwangunen ni tou ulit kaapa zéi'kan.

Wahyu 14:13

An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”