Roma 8:1 - Taaz Weru Witu u Nunuwu'en Tombulu

¹ Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

Roma 8:1 Iomraidhean Croise

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 15:4

Niitumo, maesamola karia-Ku tanu ni Aku nimaesa karia niou. Tanu um panga én zéi'kan mata'u mua' sa zéi'kan nimaesa karia un tuuzna un anggor, téntu kangkasii ni kamu zéi'kan mua' sa zéi'kan nimaesa karia-Ku.

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Roma 16:3

Ipapaayopé'la u sigi'ku wia si Priskila wo wia si Akwila sé kakariaku i mahpaayang wia si Kristus Yesus.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

Roma 5:16

Un tatambér ni Opo Empung itii én totoz lumouspé'mé u singkéla' ni Adam. Pahpaan u singkéla' winangun ni Adam a méyé un ukuman; taan sé tou lakez sé mahsingkéla' é niéndo ulit witu u sinaru ni Opo Empung pahpaan un tatambér-Na.

Roma 7:17

Sa téntu, zéi'mo ni aku si mahwangun niitu taan a singkéla' ang kimawasamo witu un touku u nimangun ni aku i mahwangun niitu.

Roma 7:20

Niitumo, sa ni aku mahwangun an zéi'kan kapaazku, zéi'kan ni aku si mahwangun niana, taan a lelo i mahwangun a singkéla' ung kimawasamo ni aku.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

Roma 8:14

Péléng sé tou pahahkiten ni Roh ni Opo Empung én oki' ni Opo Empung.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

Roma 8:39

kaapa sé mahkawasa witi langit kaapa sé wia ung kaayahan, kaapa apa uman niitu, zéi'kan siapa sé makawawa tuma'sa ni kita im witu u raraatéan ni Opo Empung, tanu u méipapailek-Na wia si Kristus Yesus, si Mahpiarata.

Roma 8:4

Si Opo Empung nimangun niitu wo ni kita mawutul i mahwangun ung kapaaz-Na mengiit un ukum Torat, pahpaan in tarékan ni kita makawawa i menou-nou mahtali-talinga wia si Roh ni Opo Empung wo zéi'mo mahkiit ang kapaaz un awakta.

Roma 8:9

Taan ung katou-touan niou én zéi'kan mahkiit ung kapaaz un awak niou in esa taan mahkiit ung kapaaz ni Roh ni Opo Empung, pahpaan si Roh ni Opo Empung é nimaesamo karia niou. Si tou zéi'kan siapa Roh ni Kristus witu un aténa, ni sia én zéi'kan anu ni Kristus.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 15:22

Pahpaan nimaesa karia ni Adam, péléng sé tou é mamaté, téntu kangkasii, pahpaan nimaesa karia ni Kristus, péléng sé tou én itou sumaup ni Opo Empung.

2 Korintus 12:2

Kata'uangku wéwéhan si tou ma'éman wia si Kristus, mapulu' wo epatna ta'un limangkoila, si tou itii kumompo'mé ém winénétoma witi kasendukan katelu. In toro niitu, zéi'kan kata'uangku sia im winénéta ém winénéta karia un touna kaapa akaz uman si rohna si winénéta. Si Opo Empung uman si mata'u niitu.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Galatia 5:16

Um pahkukuakuma wia ni kamu én téntii: Ung katou-touan niou é mahkiitla um paaz ni Roh Lenas, karia in téntu ni kamu én zéi'kan kumiit u lelo un awak i mahwangun a léwo'.

Galatia 5:25

Sa ung katou-touanta é mahkiito um paaz ni Roh Lenas, iwéhéla ung katou-touanta im pahtu'tul ni Roh Lenas.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.