Roma 7:7 - Taaz Weru Witu u Nunuwu'en Tombulu

⁷ Sa téntu, apapé' un ikuakuma? Singkéla' wé un ukum Torat? Zéi'kan! Taan pahpaan un ukum Torat itii ni aku toro mata'u u singkéla'. Pahpaan ni aku kangkasii zéi'kan mata'u apa u lelo i mangun a léwo'an sa zéi'kan méipantik witu ung kitap Torat, “Tia' lumelo an anu né tou walina!”

Roma 7:7 Iomraidhean Croise

Matius 5:28

Taan in tarékan ni Aku éng kumuama wia ni kamu: Séi uman si mahilek si wéwéné wo totozo paaz i sumamek kariana, si tou itii é mahsameko karia ni wéwéné itii witu un aténa.

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 20:16

Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.” Timalingamé niitu a séra kumuala, “Tia'mo kahuman mamuali téntu!”

Kisah Rasul-rasul 20:33

Ni aku én zéi'kan kawisa niméré' im wéhané né tou am péra' kaapa a mas kaapa ang karai.

Roma 13:9

Pahpaan witu un ukum Torat é méipantik in téntii, “Tia' mahsamek, tia' mahwunu' tou, tia' mahremu', tia' malelo an anu né tou walina,” wo am perénta walina ém pinakasamo witu um Pinantik Lenas in téntii, “Iraraatéla si kasuat tou tanu ni ko i rumaraaté un toumu in esa!”

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 3:5

Taan sa karia an zéi'kan ulit am pahwangunenta éng kalousna ni kita i mahilek ung kaulitan ni Opo Empung, apa un ikuata? Mahsanaweka wé si Opo Empung sa mapaileké un upi'-Na? Ni aku ing kimuama téntu mengiit ung genangku in tou uman.

Roma 4:1

Niitumo, apa u maikuata tumoro a nimamuali wia si Abraham, si ama' né nimaopota?

Roma 4:15

Pahpaan ang kasumalaan wana an ukum Torat é mahalimé un upi' ni Opo Empung, taan sa zéi'kan siapa an ukum Torat, tantumo én zéi'kan siapa sé sumala'.

Roma 5:20

Si Opo Empung niméhémé un ukum Torat wo kata'uala né tou ing kalakeznamo a singkéla' né tou. Taan zozo' ing kalakezna a singkéla', ung kamang méitambér-Na kangkasii éng kalakezna.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 7:11

Pahpaan karia un ukum Torat, a leloku i sumingkéla' ém wéwéhan orasna in tumowo wo munu' ni aku.

Roma 7:13

Sa téntu, apa am wangun itii é mahalimé um patéan wia ni aku? Zéi'kan téntu! U singkéla' u nimahalimé um patéan itii. Um wangun itii pinakémé u singkéla' i mahalimé um patéan wia ni aku, wo totoz ing kaile-ilekan u singkéla' é léwo'an. Niitumo, pahpaan am perénta witu ung kitap Torat itii ikatuzu'mé u singkéla' itii én totoz léwo'.

Roma 7:5

Pahpaan im puuna ni kita i menou-nou é mahkiitpé' um paaz in tou uman, u lelo i mahwangun a léwo'an ung kimawasa witu un awakta. Kata'uanta niitu é singkéla' pahpaan sinéro' un ukum Torat. Pahpaan i mahwangun niitu ni kita makailek um patéan.

Roma 7:8

Taan pahpaan un ukum Torat itii, u singkéla' ém wéwéhan oras i nimangun ni aku i lumelo an zéi'sesa léwo'an. Pahpaan sa zéi'kan siapa un ukum Torat, u singkéla' én zéi'kan siapa kawasa.

1 Korintus 15:56

U séséhéz um patéan é singkéla' ni tou, wo ung kawasa a singkéla' ni tou é un ukum Torat. Ung kalakoan niitu é si tou memua-muali a singkéla' é léwo'zéi' in ukumen pahpaan simingkéla' witu un ukum itii.

Efesus 5:3

Taan a samek wo a memua-muali a sinéro' im pahmualin né zéi'kampé' kimawéng, kaapa a malo'it, zozo' niitu in inuwu' uman én tia' im wia ni kamu. An téntu é sinéro' in ipahkua né tou linenas ni Opo Empung.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

1 Tesalonika 4:5

Ni kamu én tia' mahkiit uman u lelo léwo' un awak niou, tanu um pahwangunen né tou zéi'kan mata'u si Opo Empung.

Ibrani 7:19

Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.