Roma 7:25 - Taaz Weru Witu u Nunuwu'en Tombulu

²⁵ Taan makasé wia si Opo Empung pahpaan si Yesus Kristus Mahpiarata!

Roma 7:25 Iomraidhean Croise

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Roma 6:14

A singkéla' én zéi'mo kumawasa ni kamu, pahpaan ung katou-touan niou én zéi'mo pahata-atan un ukum Torat, taan méipilotomé pahpaan ung kamang tatambér ni Opo Empung.

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

1 Korintus 15:57

Taan ni kita éng kumua u makasé wia si Opo Empung, si niméhé wia ni kita ung kauntungan makaz ni kita méipiloté im witu um ukuman patéan mengiité si Yesus Kristus Mahpiarata.

2 Korintus 9:15

Makasé wia si Opo Empung, pahpaan u méitambér-Na wia ni kita én zéi'mo kakuaan.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

1 Petrus 2:5

Ni kamu é masuat wo um watu menou-nou u niéndo ni Opo Empung im wangunen Walé-Na Lenas. Karia in téntu ni kamu é nimaéndo walian linenas ni Opo Empung i mahali ung katou-touan in iragés wia si Opo Empung. Si Opo Empung ém paaz méndo a raragés niou pahpaan am winanguno ni Yesus Kristus wia ni kita.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.