Roma 7:23 - Taaz Weru Witu u Nunuwu'en Tombulu

²³ Taan am witu un touku ém wéwéhan an tinotoz walina u makahkoro' wo an tinotoz ni Opo Empung ung kapaazku witu ung genangku. Niitu u nimangun ni aku im pahata-atan an tinotoz a singkéla' ang kimawasa un awakku.

Roma 7:23 Iomraidhean Croise

Roma 6:13

Tia' un awak niou iwéhé ing kawasaan a singkéla' i mangun a léwo'an. Taan iwéhéla un tou niou wia si Opo Empung, tanu si tou im puuna nimatémo wo in tarékan é nimakaileko ung katou-touan weru, wo iwéhémola un awak niou i mahwangun um paaz ni Opo Empung.

Roma 6:19

Ni aku i mahkuama éng karia u nunuwu'en toro katulapan ung kinanaram im pengungua né tou sekez in endo. Pahpaan ni kamu in tou én zéi'kan enté', niitumo ni kamu ngerez i mahtutulap niitu. Im puuna ni kamu é niméhé péléng un tou niou i maéndo ata im wana ang kasamekan wo a mahsaru si Opo Empung a nimangun ni kamu kalousna i mahsaru ni Sia. In tarékan, ni kamu é léwo'zéi' méhéla péléng un tou niou i maéndo ata im wana ang kaulitan a mangun ni kamu lenasen ni Opo Empung.

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

Roma 7:21

Niitumo, ung kenumo ung kinanaram nimamuali wia ni aku: maanpé' ni aku paaz mangun a lé'os, taan a léwo'an uman taré am pahwangunengku.

Roma 7:25

Taan makasé wia si Opo Empung pahpaan si Yesus Kristus Mahpiarata!

Roma 7:5

Pahpaan im puuna ni kita i menou-nou é mahkiitpé' um paaz in tou uman, u lelo i mahwangun a léwo'an ung kimawasa witu un awakta. Kata'uanta niitu é singkéla' pahpaan sinéro' un ukum Torat. Pahpaan i mahwangun niitu ni kita makailek um patéan.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

Galatia 5:17

Pahpaan u lelo un awak i mahwangun a léwo' é nimatamburian karia um paaz ni Roh Lenas wo um paaz ni Roh Lenas é nimatamburian karia u lelo un awak i mahwangun a léwo'. Un zua kenu é nimatamburian taka-takazan ni kamu sekezé én zéi'kan mahwangun ang kapaaz niou.

Ibrani 12:4

Pahpaan ni kamu i mahtututu' mahsaru a singkéla', ni kamu én zéi'kampé' méikaayoma witu u nimazézéha akaz nimaté simaroi un zaha'.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.

Yakobus 4:1

Wisa a méyé am pahéndo-éndoan wo am pahkoro'an niou? Zéi'kankuaa wana a lelo léwo' un awak niou a mahkoro' i mahkakawasa un tou niou?

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.