Roma 7:21 - Taaz Weru Witu u Nunuwu'en Tombulu

²¹ Niitumo, ung kenumo ung kinanaram nimamuali wia ni aku: maanpé' ni aku paaz mangun a lé'os, taan a léwo'an uman taré am pahwangunengku.

Roma 7:21 Iomraidhean Croise

Lukas 4:1

Si Yesus nimawurimomé im witi so'so'an Yordan, ni Sia éng kinawasa ni Roh Lenas. Si Roh Lenas mahwalima si Yesus witi kapelasan.

Yohanes 8:34

Kuan ni Yesus wia ni séra, “Uli-ulit ikua-Kuma wia ni kamu, péléng sé tou mahwangun a singkéla' én ata a singkéla'.

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 6:14

A singkéla' én zéi'mo kumawasa ni kamu, pahpaan ung katou-touan niou én zéi'mo pahata-atan un ukum Torat, taan méipilotomé pahpaan ung kamang tatambér ni Opo Empung.

Roma 7:23

Taan am witu un touku ém wéwéhan an tinotoz walina u makahkoro' wo an tinotoz ni Opo Empung ung kapaazku witu ung genangku. Niitu u nimangun ni aku im pahata-atan an tinotoz a singkéla' ang kimawasa un awakku.

Roma 7:25

Taan makasé wia si Opo Empung pahpaan si Yesus Kristus Mahpiarata!

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

2 Petrus 2:19

Sé méster towo itii é méhé un taaz wia sé tou i lamaéndo tou zéi'mo ata, taan ndéén sé méster towo itii ém pahata-atan ang kinanaram néra wana a léwo'an a mahléwo' sé tou. Pahpaan si kinalamo é nimaéndomola ata ni kimala ni sia.