Roma 7:15 - Taaz Weru Witu u Nunuwu'en Tombulu

¹⁵ Pahpaan am pahwangunengku én zéi'kan kata'uangku. Zéi'kan ang kapaazku am pahwangunengku taan an ikazi'zisku am pahwangunengku.

Roma 7:15 Iomraidhean Croise

Lukas 11:48

Karia ni kamu i nimanguna a lelewengan né nabi, pahkuan niou sé nimaopo niou i nimunu' sé nabi itii én ulit.

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Roma 14:22

Iwayamola apa um pa'émanennu itii, wangunennula wia ni ko in esa witu u sinaru ni Opo Empung. Si tou zéi'kan mahgenangla i simala' im wana ang ginenangna in ulit, ni sia é mahpaa-paaz.

Roma 7:16

Sa ni aku mahwangun an zéi'kan kapaazku, énéangku sa am witu ung kitap Torat itii ém wangun.

Galatia 5:17

Pahpaan u lelo un awak i mahwangun a léwo' é nimatamburian karia um paaz ni Roh Lenas wo um paaz ni Roh Lenas é nimatamburian karia u lelo un awak i mahwangun a léwo'. Un zua kenu é nimatamburian taka-takazan ni kamu sekezé én zéi'kan mahwangun ang kapaaz niou.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

Ibrani 1:9

Ni Ko én totoz paaz un zéi'kan mahsanaweka wo totoz mazi'zis u mahsanaweka; niitumo si Opo Empung, si Opo Empung-Mu é niméléng ni Ko wo niméhé wia ni Ko u sisigi'an u mahalimé a makapaazen, lumousé sé kakaria-Mu.”

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.

Yudas 1:23

wo tulungela ni séra tanu ing kuméhongé ni séra im witu un api. Taan im wia sé walina én ipapailekla u raraatéan karia i mile-ilek én taa ikakiit i mahwangun a léwo'an tanu ni séra wo ikazi'zisla maan ang karai néra ang kinilamu'mo a lelo néra wana a singkéla'.