Roma 6:6 - Taaz Weru Witu u Nunuwu'en Tombulu

⁶ Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

Roma 6:6 Iomraidhean Croise

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

Roma 8:13

Pahpaan, sa ung katou-touan niou é mahkiit ung kapaaz un awak in esa, ni kamu é makailek um patéan. Taan sa ung katou-touan niou é mahkiit ung kapaaz ni Roh Lenas, ni kamu é mahpapaté um pahwangunen un awak niou u mahsingkéla', wo ni kamu é mamenou-nou.

2 Korintus 5:14

Niana péléng ém pahwangunen nai, pahpaan u raraatéan ni Kristus ung kimawasa ni kai. Pahpaan ung kalakoana éng kata'uan naimo, im puuna ni Sia i nimaté é simawel péléng sé tou. Niitumo, péléng sé tou én tanu nimatémo.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Galatia 6:14

Taan um pahloo-loozku én zéi'kan un touku, si pahloo-loozku é si Yesus Kristus Mahpiarata si nimaté sinalip. Pahpaan si Yesus Kristus Mahpiarata nimaté sinalip, niitumo, am pahileken né tou wia ung kaayahan kenu im wéwéhan torona én zéi'mo siapa torona im wia ni aku. Wo ni aku én tanumokan i nimatémo im wia ung kaayahan kenu.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.