Biblia Todo Logo
Bìoball air-loidhne

- Sanasan -




Roma 6:11 - Taaz Weru Witu u Nunuwu'en Tombulu

11 Ni kamu kangkasii é léwo'zéi' mahgenangla i ni kamu é nimatémo wana a singkéla', taan ung katou-touan niou ém wia uman si Opo Empung mengiité si Kristus Yesus.

Faic an caibideil Dèan lethbhreac




Roma 6:11
21 Iomraidhean Croise  

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.


Ni Sia uman si Opo Empung, si totoz tulap. Wia ni Sia uman péléng a looz wo a sigi' mengiité si Yesus Kristus, makaz ing kauré-uré! Amin.


Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.


Ni Sia nimaté ing kumala ung kawasa a singkéla', niitu é makasa uman makaz ing kauré-uré. Wo ung katou-touan-Na in tarékan ém wia si Opo Empung.


Tia' un awak niou iwéhé ing kawasaan a singkéla' i mangun a léwo'an. Taan iwéhéla un tou niou wia si Opo Empung, tanu si tou im puuna nimatémo wo in tarékan é nimakaileko ung katou-touan weru, wo iwéhémola un awak niou i mahwangun um paaz ni Opo Empung.


Zéi'kan! A singkéla' én zéi'mo kimawasa wia ni kita, kaa kahuman kita memua-mualipé' a singkéla'?


Pahpaan um wawaér i mahsingkéla' ém patéan, taan un tatambér ni Opo Empung éng katou-touan makaz ing kauré-uré pahpaan nimaesa karia ni Kristus Yesus, si Mahpiarata.


Téntu kangkasii ni kamu katuari-katuari. Ni kamu én tanu nimatémo im witu un ukum Torat, pahpaan ni kamu ém pina'esamo karia un awak ni Kristus, wo ni kamu maéndomo anu ni Kristus, si méitou sumaup im wia sé nimaté wo ung katou-touanta wéwéhan torona im wia si Opo Empung.


Taan in tarékan ni kita é mémoikapiloté im witu un ukum Torat pahpaan ni kita én tanu nimatémo im witu un ukum Torat, a mahata-ata ni kita im puuna. Wo in tarékan witu ung katou-touan weru ni kita é nimaéndo ata ni Roh Lenas.


Pahpaan totoz kata'uangku, an zézéha pahpendanenta in tarékan zéi'kan mata'u pasuaten karia u lolooz wo u sisigi'an u maipapailek wia ni kita.


Ni kamu én tineleso wo pinakawaéro ni Opo Empung. Niitumo, un awak ni esa wo ni esa én ipahsigi' wo ipahlooz uman si Opo Empung.


Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.


Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.


Sa kamu mengaléi tanu niitu, si Opo Empung é méhé ung kaluasan witu un até niou, ung kumelung un até wo ung genang niou, pahpaan nimaesa karia ni Kristus Yesus. Ung kaluasan witu un até u méiwéhémé ni Opo Empung itii, zéi'kan katulapan karia ung katulapan niou in tou uman, pahpaan niitu ém wia si Opo Empung in esa a méyé.


Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:


Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.


Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.


Ni kamu é masuat wo um watu menou-nou u niéndo ni Opo Empung im wangunen Walé-Na Lenas. Karia in téntu ni kamu é nimaéndo walian linenas ni Opo Empung i mahali ung katou-touan in iragés wia si Opo Empung. Si Opo Empung ém paaz méndo a raragés niou pahpaan am winanguno ni Yesus Kristus wia ni kita.


Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.


Lean sinn:

Sanasan


Sanasan