Roma 6:1 - Taaz Weru Witu u Nunuwu'en Tombulu

¹ Sa téntu, apa un ikuatama? Toro wé ni kita i memua-muali a singkéla', wo kalousna ung kamang tatambér ni Opo Empung itii?

Roma 6:1 Iomraidhean Croise

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

Roma 3:31

Sa téntu, apa pahpaan um pa'émanen wia si Yesus Kristus wo kita mahzézéi' un ukum Torat? Zéi'kan! Lumouspé'tarémé niitu, ni kita éng kalousna i mahsigi' un ukum Torat.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

1 Petrus 2:16

Ni kamu én zéi'mo ata a singkéla' taan ni kamu é mémoipiloté im wana a singkéla'. Taan tia' wo pahpaano niitu, ni kamu ém wayaan uman um wangunen i mahwuwuni a singkéla' niou. Niitumo ung katou-touan niou é maéndola ata ni Opo Empung.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.