Roma 5:7 - Taaz Weru Witu u Nunuwu'en Tombulu

⁷ Pahpaan zéi'kan meripu' umané si tou im paaz maté i sumawel si tou ulit. Taan wia si tou lé'os uman ém woo wéwéhan si tou paaz maté i sumawel ni sia.

Roma 5:7 Iomraidhean Croise

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Yohanes 15:13

Zéi'kan siapa u raraatéan u lumousé ung kenu: si tou nimayo un touna i maté wo sé kakariana toro menou-nou.

Kisah Rasul-rasul 11:24

Pahpaan si Barnabas itii én tou totoz lé'os, ni sia én totoz kinawasa ni Roh Lenas wo totoz ma'éman wia si Mahpiara, niitumo lakez sé tou timalinga ni sia é nima'éman wia si Mahpiara.

Roma 16:4

Ni séra én tawi maté i mahsawang ni aku. Zéi'kan ni aku uman si kumuama u makasé wia ni séra taan karia péléng sé sanahréréwok jamaat zéi'kan tou Yahudi kangkasii éng kumuama u makasé wia ni séra.

Roma 5:6

I ni kita zéi'kan makawawa i mapapilot un touta in esa im witu un ukuman pahpaan a singkéla', si Kristus nimaté pahpaan ni kita mahsingkéla', witu un oras tinotozo ni Opo Empung.

Roma 5:8

Taan si Opo Empung é mapailek u raraatéan-Na wia ni kita karia ung kenu: I ni kita mahsingkéla'pé', si Kristus é nimaté pahpaan ni kita.

1 Yohanes 3:16

Karia ang kenumo ni kita mata'u u raraatéan ni Kristus, i si Kristus é nimayomo un tou-Na wia ni kita. Niitumo ni kita kangkasii é léwo'zéi' i mayola un touta wia sé katuarita esa pa'émanen.