Roma 5:3 - Taaz Weru Witu u Nunuwu'en Tombulu

³ Zéi'kan uman niitu, taan taré kita én toro mahpaa-paaz im wana am pengalinta, pahpaan kata'uanta sa am pengalinta itiimo a mangun ni kita ezen,

Roma 5:3 Iomraidhean Croise

Lukas 21:19

Sa ni kamu ezen, ni kamu é makailek ung katou-touan makaz ing kauré-uré.”

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 5:11

Zéi'kan uman niitu! U raraatéan ni Opo Empung mangun ni kita mahpaa-paaz pahpaan si Yesus Kristus Mahpiarata si nimangun ni kita i nimawurian karia ni Opo Empung.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

Roma 9:10

Wo zéi'kan uman niitu. Si Ribka é nimakaoki'mé sé tuama zua kambar wia si esa ama', si Ishak, si nimaopota.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

2 Korintus 8:19

Zéi'kan uman niitu, ni sia kasii én tinotozola né woopira jamaat i mahwali karia nai mahali an zoit isawang wia sé katuarita esa pa'émanen sé witi Yudea. Winangun nai niana péléng, wo si Mahpiara é loozen wo sigi'en wo kasii ikatuzu'mé i ni kai én ulit paaz mahsawang sé tou.

Efesus 3:13

Niitumo, pahaléiengku wia ni kamu in tia' ni kamu zéi'mo siapa pahéré'an in timalingama ni aku nimazéha pahpaan mahwoka' u Nuwu' Lé'os tumoro si Yesus wia ni kamu. Pahpaan an zézéha pinendankumé itii é mangun ni kamu toro mahloo-looz karia ni Yesus Kristus.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

1 Petrus 3:14

Taan zozo' ni kamu i mendan an zézéha pahpaan i memangu-mangun an ulit, ni kamu é mahpaa-paazola. Tia'mo maindé' kaapa paharétan im wia sé mahzézéha ni kamu.