Roma 5:16 - Taaz Weru Witu u Nunuwu'en Tombulu

¹⁶ Un tatambér ni Opo Empung itii én totoz lumouspé'mé u singkéla' ni Adam. Pahpaan u singkéla' winangun ni Adam a méyé un ukuman; taan sé tou lakez sé mahsingkéla' é niéndo ulit witu u sinaru ni Opo Empung pahpaan un tatambér-Na.

Roma 5:16 Iomraidhean Croise

Matius 6:14

Pahpaan sa kamu méhéla ampungan wana ang kasumalaan né tou, si Ama' niou si witi kasendukan kangkasii é méhé un ampungan wia ni kamu.

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

1 Korintus 11:32

Taan sa kita ukumen ni Opo Empung, ni kita ém pahtuzu'en i mahwangunla an ulit, wo kita zéi'kan maukumen makaz ing kauré-uré karia né tou zéi'kan ma'éman wia ung kaayahan.

Galatia 3:10

Pahpaan péléng sé tou sé mahtututu' in éndon ulit witu u sinaru ni Opo Empung karia i mahkiit un ukum Torat, ni séra é makailek un epa' ni Opo Empung. Pahpaan witu um Pinantik Lenas é méipantik téntii, “Péléng sé tou zéi'kan uli-ulit mahwangun péléng un ukum Torat, ni séra é makailek un epa' ni Opo Empung.”

Yakobus 2:10

Séi uman si mahkiit péléng un ukum itii, taan zéi'kan mahwangun un esaané im witu, si tou itii é simala'mola wana péléng un ukum itii.