Roma 4:6 - Taaz Weru Witu u Nunuwu'en Tombulu

⁶ Si Daud kangkasii éng kimua i mahpaa-paaz sé tou niéndo ulit ni Opo Empung zéi'kan pahpaan am pahwangunenna.

Roma 4:6 Iomraidhean Croise

Matius 25:19

In urémo, a mawurimé si tuang né ata itii. An tawahennamé sé atana i mahtata'u sa kinura nérala an zoit méitarawésama wia ni séra.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Roma 3:27

Sa téntu, apa un toro ipahloo-loozta? Zéi'kan siapa! Apa pahpaan am pahwangunenta? Zéi'kan! Ni kita én niéndo ulit zéi'kan pahpaan i nimanguno un ukum Torat taan pahpaan um pa'émanenta.

Roma 4:11

Si Abraham é sinunat in urémo ma'éman wia si Opo Empung wo u sunat itii é meterai i ni sia niéndo-Namo ulit in zéi'kampé' sinunat. Niitumo ni sia é niéndo ama' né tou ma'éman zozo' sé tou ma'éman itii zéi'kampé' sinunat wo ni séra niéndo ulit ni Opo Empung.

Roma 4:24

taan niitu kangkasii é méipantik wia ni kita pahpaan ni kita kangkasii é niéndo ulit ni Opo Empung. Ni kita é niéndo-Na ulit pahpaan ni kita ma'éman ni Sia, si timoumé sumaup si Yesus Mahpiarata im wia sé nimaté.

Roma 4:5

Taan wéwéhan si tou zéi'kan niméré' witu um pinaayangna, taan ni sia é ma'éman i si Opo Empung si niméndo ulit sé tou zéi'kan pandung ni Sia. Pahpaan um pa'émanenna itii ni sia niéndo-Na ulit.

Roma 4:7

Si Daud kimua in téntii: “Mahpaa-paazla si tou niampungan ang kasumalaanna, wo sé zinéi' a siningkéla'na;

Roma 4:9

Apa u mahpaa-paaz kenu ém wia uman sé tou sinunat kaapa karia né tou zéi'kan sinunat? Pahpaan u mémoikua nai i si Abraham é ma'éman si Opo Empung, niitumo ni sia é niéndo-Na ulit.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 3:14

Si Yesus Kristus nimanguno niitu, wo sé tou zéi'kan Yahudi é makailek ung kamang mémoitaaz ni Opo Empung wia si Abraham pahpaan ni séra nimaesa karia ni Kristus. Karia in téntu mengiité um pa'émanen wia si Kristus ni kita makailek si Roh ni Opo Empung si mémoitaaz-Na itii.

Galatia 4:15

In toro niitu ni kamu én totoz mahpaa-paaz. Tarékan, amoitumo u mahpaa-paaz niou itii? Ni aku éng kumua a niilekku tumoro ni kamu im puuna. In toro niitu, sa toro, um weren niou é suiten niou wo iwéhé wia ni aku.

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.