Roma 4:21 - Taaz Weru Witu u Nunuwu'en Tombulu

²¹ Totoz pa'émanen ni Abraham i si Opo Empung én toro mangun u mémoitaaz-Na.

Roma 4:21 Iomraidhean Croise

Matius 19:26

Si Yesus mileka wia ni séra, ang kumua, “Im wia sé tou, ung kenu én zéi'kan mamuali, taan im wia si Opo Empung, péléng am péléng én toro mamuali.”

Lukas 1:1

Ama' Teofilus pahsigi'engku, lakez sé tou nimahtututu'la i nimantik tumoro a nimamuali i si Yesus memali-malipé' karia ni kita.

Lukas 1:37

Pahpaan im wia si Opo Empung én zéi'kan siapa an zéi'kan mamuali.”

Lukas 1:45

Mahpaa-paazla ni ko, pahpaan ma'éman a méikua ni Opo Empung i mamuali.”

Roma 14:4

Séi ndéén ko wé taka-takazan ni ko mapahsasala' am pahwangunen ni pahayoan né tou walina? Si tuang ni pahayoan itii uman si mata'u sa sia ulit kaapa simala'. Taan ni sia é mamemangu-mangun an ulit pahpaan si Mahpiara é mahsawang ni sia.

Roma 14:5

Wéwéhan kangkasii sé tou mahgenangla un endo esa é lumouspé'mé an endo walina, wo wéwéhan kangkasii sé tou mahgenangla sa péléng an endo é masuat uman. Tumoro niana, tawimo si esa wo si esa én tumotozola mengiit um pa'émanenna.

Roma 8:38

Pahpaan totoz kata'uangku zozo' i nimaté kaapa i menou-nou, sé malaekat kaapa sé mahkawasa wana ang karimbengbengan, u mahmuali in tarékan kaapa u mamuali im woo sawisa,

2 Korintus 9:8

Si Opo Empung makawawa i méhé péléng ang kamang tatambér-Na wo sekezé péléng am pemandungen niou ém pakawutulen. Lumousé niitu, am wia ni kamu é malake-lakez i mangun a lé'os wia sé tou walina.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 11:19

Pahpaan im witu ung genang ni Abraham i si Opo Empung ém wéwéhan kawasa in tumou sumaup sé tou nimatémo. Niitumo, si Ishak én tanu ing kinailekané sumaup ni Abraham im witu um patéan.