Roma 4:18 - Taaz Weru Witu u Nunuwu'en Tombulu

¹⁸ Zozo' ing kata'uan ni Abraham i ni sia én zéi'mo mahéré'la i makailek oki', taan ni sia mahéré' uman wo kasii ma'éman wia si Opo Empung i ni sia é maéndo ama' né tahsasana wanua mengiit u méipantik witu um Pinantik Lenas, “Sé suzumu én totoz malakez.”

Roma 4:18 Iomraidhean Croise

Lukas 1:18

A si Zakharia meligau wia si malaekat itii, “Kura wo toro kata'uangkula niitu i mamuali? Pahpaan ni aku wo si mahayoku én tu'amo.”

Kisah Rasul-rasul 27:25

Pahpaano niitu katuari-katuari, ni kamu én tia'mo mazéi' i mahéré'! Pahpaan ni aku é ma'éman wia si Opo Empung wo péléng a méikua-Na én uli-ulit mamuali.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

Roma 4:19

Zozo' ing kata'uannamo sa un touna éng katu'anamo pahpaan ung katou-touanna é sana atus ta'uno wo si Sara kangkasii ém pesel, taan um pa'émanenna én zéi'kan mahina'ma.

Roma 5:5

Wo um pahéré'an én zéi'kan merara un até, pahpaan si Opo Empung timambéré si Roh Lenas wo kita toro mé'an u raraatéan ni Opo Empung.

Roma 8:24

Witu um pahéré'an kenumo ni kita méipiloté im witu un ukuman wana a singkéla'. Taan sa um pahéré'anta itii ém pahilekenola, niitu én zéi'mo pahkuan pahéré'an. Pahpaan, kura kahuman kita mahéré' witu um pahilekentamola?

Ibrani 6:19

Si pahéré'anta é si Yesus. Ni Sia én tanumokan un jangkar enté' wo méikateptep, pahpaan ni Sia mahenté' um pa'émanenta. Si Yesus nimahpuunamoma i nimangé witu muri u roko' aapé' witi tampa lenas i rumété si Opo Empung in tumubus a singkéla'ta.