Roma 4:16 - Taaz Weru Witu u Nunuwu'en Tombulu

¹⁶ Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

Roma 4:16 Iomraidhean Croise

Lukas 19:9

Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.

Roma 15:8

Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

Roma 4:11

Si Abraham é sinunat in urémo ma'éman wia si Opo Empung wo u sunat itii é meterai i ni sia niéndo-Namo ulit in zéi'kampé' sinunat. Niitumo ni sia é niéndo ama' né tou ma'éman zozo' sé tou ma'éman itii zéi'kampé' sinunat wo ni séra niéndo ulit ni Opo Empung.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

Roma 9:8

Ung kalakoana, zéi'kan péléng sé suzu ni Abraham sé pahkuan oki' ni Opo Empung, taan sé ma'éman uman un taaz méiwéhé ni Opo Empung wia ni séra sé uli-ulit pahkuan oki'-Na.

Galatia 3:14

Si Yesus Kristus nimanguno niitu, wo sé tou zéi'kan Yahudi é makailek ung kamang mémoitaaz ni Opo Empung wia si Abraham pahpaan ni séra nimaesa karia ni Kristus. Karia in téntu mengiité um pa'émanen wia si Kristus ni kita makailek si Roh ni Opo Empung si mémoitaaz-Na itii.

Galatia 3:16

Péléng an taaz itii é méikuamo wia si Abraham wo wia si suzuna. Si Opo Empung ing kimua un taaz itii én zéi'kan kimua “wia sé suzuna”, pahpaan sa méikua “wia sé suzuna” ung kalakoana é lakez sé makailek un taaz itii, taan si Opo Empung éng kimua “wia si suzumu”, ung kalakoana én esa uman si makailek un taaz itii, ni siamo si Kristus.

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

Titus 3:7

Karia in téntu, ni kita in tou sé niéndo ulit pahpaan ung kamang méitambér-Na, toro makailek ung katou-touan makaz ing kauré-uré tanu um pengéré-ngéré'enta.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.