Roma 4:15 - Taaz Weru Witu u Nunuwu'en Tombulu

¹⁵ Pahpaan ang kasumalaan wana an ukum Torat é mahalimé un upi' ni Opo Empung, taan sa zéi'kan siapa an ukum Torat, tantumo én zéi'kan siapa sé sumala'.

Roma 4:15 Iomraidhean Croise

Yohanes 15:22

Sa ni Aku zéi'kan niméyé wo zéi'kan nimuwu'ma wia ni séra, tantumo ni séra én zéi'kan simingkéla'. Taan in tarékan ni séra én zéi'mo mata'u kumua, ‘Zéi'kan kata'uan nai sa am pahwangunen nai itii é singkéla'.’

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Roma 5:13

In zéi'kampé' wia un ukum Torat, u singkéla' ém wiamo ung kaayahan. Taan u singkéla' itii zéi'kampé' ipahrékén singkéla' sa zéi'kan siapa un ukum Torat.

1 Korintus 15:56

U séséhéz um patéan é singkéla' ni tou, wo ung kawasa a singkéla' ni tou é un ukum Torat. Ung kalakoan niitu é si tou memua-muali a singkéla' é léwo'zéi' in ukumen pahpaan simingkéla' witu un ukum itii.

Galatia 3:10

Pahpaan péléng sé tou sé mahtututu' in éndon ulit witu u sinaru ni Opo Empung karia i mahkiit un ukum Torat, ni séra é makailek un epa' ni Opo Empung. Pahpaan witu um Pinantik Lenas é méipantik téntii, “Péléng sé tou zéi'kan uli-ulit mahwangun péléng un ukum Torat, ni séra é makailek un epa' ni Opo Empung.”

Galatia 3:19

Sa téntu, apa wé un torona un ukum Torat i méiwéhémé? Un ukum Torat é méiawes i mapata'u wia sé tou a singkéla' pahmualin néra. Un ukum Torat itii ém pahpakén akaz uman i méyé si suzu ni Abraham si méikua witu un taaz ni Opo Empung wia si Abraham. Un ukum Torat itii é méikua né malaekat mengiité si Musa wia sé tou Israel.

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Kolose 3:6

Péléng niitu é mahwangun uman si Opo Empung in totoz maupi' wia sé tou soo mahtali-talinga wia ni Sia.

1 Yohanes 3:4

Si tou mahwangun a singkéla', ni sia kangkasii é mahsaru an tinotoz ni Opo Empung, pahpaan u singkéla' é mahsaru an tinotoz ni Opo Empung.

Wahyu 19:15

Im witu u sumah-Na é nimondolé um pisou tewel ung kumala péléng sé tahsasana wanua, wo ni Sia é merénta ni séra karia ung ketez totoz wangko', tanumokan i merénta karia un teken uaséi, wo ni Sia é mapailek un upi' ni Opo Empung, si Totoz Mahkawasa wia sé kakoro'-Na, tanumokan i mahlééka am wua'na an anggor witi pahpesutan an anggor.