Roma 4:13 - Taaz Weru Witu u Nunuwu'en Tombulu

¹³ Si Opo Empung é niméhé un taaz wia si Abraham karia né suzuna i ni séra é makailek ung kaayahan. Ni Sia én timaaza un téntu, zéi'kan pahpaan si Abraham mahkiit un ukum Torat, taan niéndo ulit pahpaan um pa'émanenna wia si Opo Empung.

Roma 4:13 Iomraidhean Croise

Kisah Rasul-rasul 13:32

Niitumo, in tarékan ni kai zua é mahwoka' u nuwu' lé'os sa u méitaaz ni Opo Empung wia sé nimaopota,

Roma 4:12

Ni sia kasii é niéndo ama' né tou sinunat, sé zéi'kan uman sinunat, taan kangkasii pahpaan ni séra menou-nou karia i ma'éman wia si Opo Empung tanu um pa'émanen ni Abraham, si ama' né nimaopota, puunala sia i sinunat.

Roma 9:8

Ung kalakoana, zéi'kan péléng sé suzu ni Abraham sé pahkuan oki' ni Opo Empung, taan sé ma'éman uman un taaz méiwéhé ni Opo Empung wia ni séra sé uli-ulit pahkuan oki'-Na.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 7:6

Si Melkisedek én zéi'kan suzu ni Lewi taan ni sia é makailek u sana pahpulu' im wana ang kinahaté ni Abraham wo ni sia kasii si kimamang si Abraham zozo' si Abraham nimakaileko un taaz ni Opo Empung.